राशिफल

एमाले महाधिवेशनमा प्रधानमन्त्री देउवालाई निम्तो

 न्यूज विराट
एमाले महाधिवेशनमा प्रधानमन्त्री देउवालाई निम्तो

काठमाडौं, ३ मंसिर । प्रमुख प्रतिपक्षी दल नेकपा एमालेले प्रधानमन्त्री शेरबहादुर देउवालाई आफ्नो १०औँ महाधिवेशनको निमन्त्रणा दिएको छ ।

शुक्रबार बालुवाटारमा प्रधानमन्त्री देउवालाई भेटेर एमाले स्थायी कमिटी सदस्य सुवासचन्द्र नेम्वाङ र नेता डा. राजन भट्टराईले पार्टीको महाधिवेशनको निमन्त्रणा दिएका हुन् ।

एमालेको १०औँ महाधिवेशन १०-१२ मंसिरमा चितवनमा हुँदैछ । महाधिवेशनको उद्‌घाटन समारोहमा सहभागिताका लागि एमालेले प्रधानमन्त्री तथा कांग्रेस सभापति देउवालाई निमन्त्रणा दिएको स्थायी कमिटी सदस्य नेम्वाङले जानकारी दिए । प्रधानमन्त्री देउवाले आफू महाधिवेशनको उद्‌घाटन समारोहमा आउने जवाफ दिएको नेता नेम्वाङले बताए ।

‘हामीले महाधिवेशनको निमन्त्रणा दिएपछि उहाँले म आउँछु, नआउने कुनै कारण छैन भन्नुभयो,’ देउवाको भनाइ उद्धृत गर्दै नेम्वाङले भने ।

एमालेले आफ्नो महाधिवेशनको उद्‌घाटन समारोहमा प्रमुख दलका शीर्ष नेताहरूसहित विदेशी पाहुनालाई पनि निमन्त्रणा गरेको छ । राजनीतिक दलका नेताहरूलाई बोलाए पनि एमालेले माधवकुमार नेपाल नेतृत्वको एकीकृत समाजवादीलाई भने निमन्त्रणा नदिने निर्णय यसअघि नै गरिसकेको छ ।

एमाले प्रचार विभाग प्रमुख तथा सचिव योगेश भट्टराईले अवैध गर्भादानबाट जन्मिएको पार्टीलाई आफ्नो पार्टीले नचिन्ने र महाधिवेशनमा निमन्त्रणा नगर्ने बताएका थिए ।

सम्बन्धित समाचार

सीएनआई कोशी एक्स्पो सुरू (फोटो फिचर)

विराटनगर । नेपाल उद्योग परिसंघ प्रदेश १ को आयोजनामा विराटनगरमा सीएनआई कोशी एक्स्पो सुरू भएको छ । विराटनगर – २ शंकरपुरमा नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले बिहीबार उद्घाटन गरेपछि एक्स्पो सुरू...

डिएभी स्कुलमा स्पोर्ट्स मिट सुरू

विराटनगर । विराटनगर – १३ मा रहेको डिएभी स्कुलमा स्पोर्ट्स मिट सुरू भएको छ । स्कुल परिसरभित्र स्पोर्ट्स मिट सुरू भएको हो ।आइतबारसम्म संचालन हुने स्पोर्ट्स मिटमा एक दर्जन बढी खेलहरू रहेको डिएभी स्कुलका प्रिन्सिपल...

विराटनगरमा तेक्वान्दोको ग्रेडिङ परीक्षा कार्यक्रम सुरू

विराटनगर । विराटनगरमा तेक्वान्दो खेलको ग्रेडिङ परीक्षा कार्यक्रम सुरू भएको छ । प्रदेश नं. १ आइटिएफ तेक्वान्दो संघको आयोजनामा विराटनगरमा बिहीबारदेखि ग्रेडिङ परीक्षा सुरु भएको हो । तेक्वान्दोको कालोपेटी प्रथम, कालोपेटी दोस्रो र कालोपटी तेस्रो...

विराटनगर विमानस्थलमा ‘कन्भेयर बेल्ट प्रणाली’ सञ्चालन

विराटनगर । विराटनगर विमानस्थलले हवाई यात्रुको सुविधा अभिवृद्धि गर्ने योजना अनुरुप आजदेखि आगमन कक्षमा कन्भेयर बेल्ट प्रणाली( व्यागेज ह्याण्डलिङ्ग सिस्टम) सञ्चालनमा ल्याएको छ । मोफसलका विमानस्थलमा पहिलो पटके उक्त्त जडान गरिएको र यसको लागत दुई...