सौगात सहकारीको १४ औं साधरणसभा सम्पन्न
विराटनगर । विराटनगर १३ मा रहेको सौगात बचत तथा ऋण सहकारी संस्था लि. को १४ औं वार्षिक साधरणसभा सम्पन्न भएको छ । शनिबार एक कार्यक्रम आयोजना गरी वार्षिक साधरण सभा सम्पन्न भएको हो । सहकारीमा...
विराटनगर, ८ कात्तिक । मोरङको रतुवामाई नगरपालिकाबाट नेपाली कांग्रेसका स्थानीय नेतासहित एक दर्जन जुवाडे पक्राउ परेका छन् ।
गत कात्तिक ४ गते सत्ता र शक्तिको आडमा प्रहरी प्रशासनलाई चुनौती दिँदै जुवा खालमा जुवा खेलीरहेको अवस्थामा कांग्रेसका स्थानीय नेता दिपक श्रेष्ठसहित १२ जना जुवाडेलाई प्रहरीले पक्राउ गरेको हो ।
उनीहरुलाई इलाका प्रहरी कार्यालय सिजुवाबाट खटिएको प्रहरीको टोलीले जुवा खेल्दै गरेको अवस्थामा पक्राउ गरेको प्रहरीले जनाएको छ । पक्राउ पर्नेमा रतुवामाई नगरपालिका–१० सोमबारेका टेबहादुर श्रेष्ठका छोरा नेपाली कांग्रेस क्षेत्रीय प्रतिनिधिसमेत रहेका दिपक श्रेष्ठ सहितका जुवाडे रहेका छन् ।
त्यस्तै पक्राउ पर्ने अन्य जुवाडेहरुमा केदार नेपालीका छोरा शान्तिराम नेपाली, रतुवामाई–९ का दुर्गाबहादुर बिष्ट, उर्लाबारी ९ राजघाटका २७ वर्षीय भुषण लिम्बु, रतुवामाई–९ का बलबहादुर गौतम, रतुवामाई–८ का विनोद खत्री, उर्लाबारी–९ का डम्बर लिम्बु, सोही ठाउँका युवराज अधिकारी, निर्मल प्रसाई, रतुवामाई–१० का हर्क बहादुर थापा, सोही ठाउँका दुर्गाबगहादुर श्रेष्ठ र रतुवामाई–९ का सुरेन्द्र भट्टराई रहेको जिल्ला प्रहरी कार्यालय मोरङले जनाएको छ ।
