पौढलाई साक्षर बनाउदै रोटरी क्लब अफ विराटनगर डाउन टाउन - News Birat

पौढलाई साक्षर बनाउदै रोटरी क्लब अफ विराटनगर डाउन टाउन

न्यूज विराट

विराटनगर, २६ असोज । सामाजिक क्षेत्रमा निरन्तर सकृय रोटरी क्लब अफ विराटनगर डाउनटाउनले पौढ महिलाहरुलाई साक्षर बनाउने अभियान सुरु गरेको छ ।

अन्तराष्ट्रिय बालिका दिवसको अवसर पारेर क्लबले मोरङको जहदा गाउँपालिका–२ का २० जना प्रौ महिलाहरुलाई साक्षर बनाउनका लागि पढाउन सुरु गरेको हो । क्लबले मझारेस्थित जनता माध्यमिक विद्यालयमा पौढ महिलाहरुलाई साक्षर बनाउन निशुल्क कक्षा सुरु गरेको हो ।

साक्षरता कार्यक्रमका लागि स्थानीय आरसीसी युवा स्वयंसेवक मधु मण्डलले सहयोग गरेकी छिन् । १ महिनासम्म सञ्चालन हुने साक्षरता कक्षामा सुनितादेवी मण्डलले प्रशिक्षण दिइरहेकी छन् ।

पौढ महिलाहरुलाई साक्षर बनाउनका लागि किताव, कापि, पेन्सिल, इरेजर, सार्पनर र झोलासमेत प्रदान गरिएको क्लबकी अध्यक्ष संचिता जैनले जानकारी दिइन् । साक्षरता कक्षा सञ्चालनका लागि ८ हजार रुपैयाँ खर्च लाग्ने जनाइएको छ ।

साक्षरता अभियानको उघ्घाटनमा क्लबकी अध्यक्ष संचिता जैन, महासचिव अनिता सारडा, रोटरीयन गिरिजा सारडा, अर्चना शर्मा, जनसम्पर्क अधिकृत मञ्जु अग्रवाललगायतको उपस्थिती रहेको थियो ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles