विराटनगरमा अवतरण गर्न नसेकी हिजो काठमाडौं ल्याएर ल्यान्डिङ गराइएको बुद्ध एयरको जहाजले आजदेखि पुन: उडान सुरु गरेकाे छ ।

नागरिक उड्ययन प्राधिकरणले अनुगमन गरेर अनुमति प्राप्त गरेपछि पुन: उडान सुरु गरिएको बुद्ध एयरले जनाएको छ ।

साेमबार बिहान ८ बजे विराटनगर उडेको बुद्ध एयरको ९एन-एएनआई नम्बरको जहाज दुई घण्टा आकाशमा राउन्ड मारेपछि साढे १० बजे काठमाडौंमा अवतरण गरेको थियो ।

जहाजको ल्यान्डिङ गेयरमा समस्या देखिएपछि विराटनगरबाट काठमाडौं ल्याएर सुरक्षित अवतरण गराइएकाे थियाे । आज बिहानैबाट जहाज सञ्चालनमा ल्याइएको बुद्ध एयरले जनाएकाे छ ।