विराटनगर उच्च अदालत छेउमा इटा उद्योगी माथि खुकुरी प्रहार गर्ने व्यक्ति पक्राउ - News Birat

विराटनगर उच्च अदालत छेउमा इटा उद्योगी माथि खुकुरी प्रहार गर्ने व्यक्ति पक्राउ

न्यूज विराट

विराटनगर, १० असोज । विराटनगरमा एकजना उद्योगि माथि दिउँसै खुकुरी प्रहार भएको छ । भक्तपुरस्थित सुर्यविनायक नगरपालिका वडानम्बर ८ का ३२ बर्षिय कलामसिंह लामा माथि खुकुरी प्रहार भएको हो ।

आज दिउसो साढे ११ बजे विराटनगरस्थित उच्च अदालत सामुन्नेको सडकमा उनिमाथि खुकुरी प्रहार भएको हो । खुकुरी प्रहारबाट लामाको पेटको दाहिनेतर्फ र दाहिने पाखुरामा गहिरो चोट लागेको छ ।

गम्भीर घाईते भएका लामाको विराट नसिंङको इमर्जेन्सी वार्डमा उपचार भइरहेको छ । उच्च अदालतकै दक्षिणपट्टि रहेको एकजना वकिलको कार्यालयमा पुगेर दक्षिणतर्फ जानेक्रममा उच्च अदालत परिसर अगाडि आईपुग्दा उनिमाथि खुकुरी प्रहार भएको प्रत्यक्षदर्शीले बताएका छन ।

पुर्वतर्फबाट आएका अज्ञात आक्रमणकारीले लामालाई आक्रमण गरेको लामा संगै रहेका कटहरी ६ का सुभाष कुमार सरदारले बताए । खुकुरी प्रहार गरेर लामालाई लडाएपछि आक्रमणकारी उत्तरतर्फ भागेको सरदारको भनाई छ ।

लामाको साथी समेत रहेका सरदारले आक्रमणकारीलाई आफुहरुले चिन्न नसकेको समेत बताए । घाईते लामाले बितेको दुईबर्षयता कटहरी गाउँपालिकाको वडानम्बर ६ मा मोरङ राजधानी ईट्टा उद्योग संचालन गर्दै आएका छन ।

व्यापारिक लेनदेनका कारण लामामाथि आक्रमण भएको हुनसक्ने आशंका गरिएको छ । जिल्ला प्रहरी कार्यालय मोरङका प्रवक्ता डिएसपी दिपक श्रेष्ठले लामालाई खुकुरी प्रहारगर्ने विराटनगर ११ का २७ बर्षिय विमल कार्कीलाई नियन्त्रणमा लिएको बताए । यतिखेर अनुसन्धान जारी रहेकाले खुकुरी प्रहारको कारण खुल्न नसकेको उनले बताए ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles