विराटनगर, १० असोज । कलवार समुदायको जातिय संस्था नेपाल कलवार कल्याण महासंघको सातौ केन्द्रीय वार्षिक साधारण सभा विराटनगरमा सुरु भएको छ ।

विराटनगरको रामजानकी सेवा सदनमा जारी वार्षिक साधारण सभामा देश भरिका कलवार जातिहरुको सहभागीता रहेको छ ।

कलवारहरुको हक अधिकारको लागि आवाज उठाउने उद्धेश्यका साथ स्थापना गरिएको उक्त जातीय संस्थाले राष्ट्रिय जनगणनामा सबै कलवार स्वजातिहरुले थरको पछाडी कलवार लेखाउन यसै साधारणसभाबाट आह्वान गरेको छ ।

कलवार धेरै संख्यामा हुदा पनि एउटै थर अरु जातिले लेखाउदा कलवाल नलेखिएको कारण कलवारको संख्या कम देखिएकोले थरको पछाडी कलवार लेखन आह्वान गरिएको हो ।

२०६८ को जनगणना अनुसार नेपालमा कलवारहरुको संख्या १ लाख १६ हजार ६ सय ७ रहेको छ । कार्यक्रममा महासंघका केन्द्र महासचिव महेन्द्र चौधरीले आर्थिक वर्ष २०७७/०७८ को प्रगति विवरण तथा चालू आर्थिक वर्ष २०७८/०७९ को प्रस्तावित नीति तथा कार्यक्रम प्रस्तुत गर्नु भएको थियो ।

कार्यक्रममा कलवार जातिका देश भरिका स्वजातिहरुले विभिन्न राजनीतिक पार्टीबाट देशको संघीय ,प्रदेश र स्थानीय तहमा निर्वाचित भएकाहरुलाई सम्मान गरिएको थियो ।