विराटनगर, ६ असोज । नेपाली काँग्रेसको आसन्न १४ औँ महाधिवेशनका लागि मोरङमा हिँजो वडा अधिवेशनमा आज शान्तिपूर्ण बातावरणमा सम्पन्न भएको छ।

जिल्लाका १७ वटा स्थानीय तहका १५९ वटै वडाको अधिवेशनको अधिकाँश स्थानमा सम्पन्न भएको नेकां मोरङ जिल्ला निर्वाचन अधिकृतको कार्यालयका प्रमुख केदार बहादुर कार्कीले बताउनुभयो ।

विराटनगर महानगरपालिका वडा नं ६ मा केही प्राविधिक समस्या र जिल्लाका अन्य तीन स्थानमा सर्वसहमति कायम गर्नका लागि बिहीबार निर्वाचन गरिने अधिकृत कार्कीले बताउनुभयो ।

निर्वाचन आज विहान ८ बजेदेखि साँझको ५ बजेसम्म सञ्चालन भएको थियो । मोरङमा आज सबै ३० हजार ५३२ क्रियासिल सदस्यहरुले मतदान गरेका छन ।

अधिवेशनले प्रत्येक वडामा एक जना वडा सभापति, दुई जना उपसभापति दुई जना सचिव दुई जना सहसचिव र आठ जना वडा कार्यसमितिका सदस्यहरु, प्रत्येक वडाबाट तीन जना गाउँ÷नगर प्रतिनिधि र सदस्य सङ्ख्याको आधारमा क्षेत्रीय प्रतिनिधिहरुको समेत चयन गर्ने छ ।

विधान अनुसार कार्यसमिति र एक वडामा १६ जनादेखि ७६ जनासम्म क्षेत्रीय प्रतिनिधि चयन गर्ने छन । यसैगरी मोरङको रतुवामाई र रंगेली नगरपालिकामा अधिकांश वडामा सर्वसम्मतिबाट पदाधिकारी र प्रतिनिधि छानिएको नेकां जिल्ला सचिव मोदराज घिमिरेले बताउनु भयो ।