एमालेको अवरोधकाबीच विनियोजन विधेयक विचार गरियोस् भन्ने प्रस्ताव स्वीकृत - News Birat

एमालेको अवरोधकाबीच विनियोजन विधेयक विचार गरियोस् भन्ने प्रस्ताव स्वीकृत

न्यूज विराट

काठमाडौं, २९ भदौ । प्रमुख प्रतिपक्ष दल नेकपा एमालेको अवरोधकाबीच संसदबाट विनियोजन विधेयकमाथि विचार गरियोस् भन्ने प्रस्ताव स्वीकृत भएको छ ।

एमालेको नाराबाजीकाबीच अर्थमन्त्री जनार्दन शर्माले पेस गरेको विनियोजन विधेयकमाथि विचार गरियोस् भन्ने प्रस्ताव संसदबाट बहुमतले स्वीकृत भएको हो । एमालेले संसदको चौथो दिनको बैठकमा पनि नाराबाजी कायम राखेको थियो । तर, सभामुख अग्निप्रसाद सापकोटाले एमालेको अवरोधकाबीच संसद बैठक अघि बढाएका थिए ।

सभामुखले सदन खुलाउन समझदारी जुटाउने उद्देश्यले सोमबार बोलाएको सर्वदलीय बैठक पनि एमालेले बहिष्कार गरेको थियो । आफूहरूमाथि सभामुखले भेदभाव गरेकाले सदन अवरोध गर्नुपरेको एमालेले बताइरहेको छ ।

१ भदौमा १४ सांसदलाई कारबाही गरेको पत्रका आधारमा सभामुख सापकोटाले एमालेले कारबाही गरेका सांसद पदमुक्त भएको सूचना टाँस नगरेको भन्दै एमाले सभामुखसँग रुष्ट छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles