नेपाल घरेलु तथा साना उद्योग महासंघ मोरङद्वारा विभिन्न उपसमिति गठन - News Birat

नेपाल घरेलु तथा साना उद्योग महासंघ मोरङद्वारा विभिन्न उपसमिति गठन

न्यूज विराट

विराटनगर, २२ साउन । नेपाल घरेलु तथा साना उद्योग महासंघ मोरङले विभिन्न उपसमिाति गठन गरेको छ । बिहिबार विराटनगरमा सम्पन्न महासंघ र महिला उद्यम समितिको संयुक्त विस्तारित बैठकले महासंघका गतिविधिहरु व्यवस्थित ढंगले अघि बढाउन विभिन्न उपसमिति गठन गरेको हो ।

कार्यसमितिका सम्पूर्ण पदाधिकारी तथा सदस्यहरुलाई जिम्मेवारी प्रदान गरि महासंघको गतिविधि चुस्त दुरुस्त बनाउन विभिन्न सातवटा उपसमिति गठन गरिएको अध्यक्ष चेतन निरौलाले जानकारी दिए ।

अध्यक्ष निरौलाका अनुसार महासंघ मोरङका वरिष्ठ उपाध्यक्ष गोपाल काफ्लेको संयोजकत्वमा स्थानीय निकाय समन्वय उपसमिति, महासचिव एकराज ढकालको अध्यक्षतामा सदस्यता समन्वय उपसमिति गठन गरिएको छ ।

त्यसैगरी कोषाध्यक्ष दामोदर पोखरेलको संयोजकत्वमा हेल्प डेस्क समन्वय उपसमिति, किशोर विश्वकर्माको संयोजकत्वमा मिडिया समन्वय उपसमिति, जयकमल अग्रवालको संयोजकत्वमा राजश्व, भन्सार, विद्युत समन्वय उपसमिति गठन गरिएको अध्यक्ष निरौलाले जानकारी दिए ।

त्यस्तै विजय रायको संयोजकत्वमा बैंक तथा वीमा समन्वय उपसमिति र महासंघका पूर्वअध्यक्ष नरेन्द्र हुमागाईको संयोजकत्वमा बजार अनुगमन समिति गठन गरिएको उनले बताए ।

विस्तारित बैठकलाई सम्बोधन गर्दै नेपाल घरेलु तथा साना उद्योग महासंघका केन्द्रीय उपाध्यक्ष मुकेश उपाध्याय, केन्द्रीय महिला उद्यम मितिका अध्यक्ष अञ्जु उपाध्याय, महासंघका वरिष्ठ सल्लाहकार एवम अर्थविद डा अर्जुन बराल, निवर्तमान अध्यक्ष नरेन्द्र हुमागाईँ लगायतले जिम्मेवारी बाँडफाँडले महासंघको गतिविधि शशक्त ढंगबाघ अघि बढ्ने बताए । उनीहरुले विभिन्न उपसमितिमा जिम्मेवारी प्राप्त गर्ने सवैलाई शुभकामनासमेत व्यक्त गरे ।

विस्तारित बैठकमा कोषाध्यक्ष दामोदर पोखरेलले प्रस्तुत गरेको आर्थिक वर्ष २०७७÷०७८ आर्थिक प्रतिवेदन पनि सर्वसम्मत पारित भएको थियो ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles