विराटनगरमा अपाङ्गता भएका व्यक्तिहरुलाई सहायक समाग्री वितरण - News Birat

विराटनगरमा अपाङ्गता भएका व्यक्तिहरुलाई सहायक समाग्री वितरण

न्यूज विराट

विराटनगर,७ साउन । अपाङ्गता भएका व्यक्तिहरुलाई सहजरुपमा दैनिक जिवनको कार्य गर्नका लागि आज यहाँ सहायक समाग्री(ह्वील चियर) वितरण गरिएको छ ।

सामथ्र्य समाज नेपाल र समन्वयद्वारा आज यहाँ आयोजित अपाङ्गता भएका व्यक्त्तिहरुको सवालमा जनप्रतिनिधिहरु र सरोकारवाला निकायहरुले खेल्नु पर्ने भूमिका विषयक अन्तरक्रिया तथा सहायक सामाग्री वितरण कार्यक्रममा विराटनगर–१२ देखि १८ नं वडासम्मका दक्षिण भेगका १३ जनालाई उक्त्त समाग्री वितरण गरिएको हो ।

विराटनगर महानगरपालिकाका प्रमुख भीम पराजुलीले समाग्री वितरण गर्दै नगरले सबै सार्वजनिक भवन निर्माणका लागि घरनक्सा पासका लागि अनिवार्य रुपमा ‘अपाङ्ग मैत्री’ हुनुपर्ने नीति बनाएको जानकारी दिनुभयो ।

उहाँले महानगरले करुणा फाउण्डेशनको सहयोगमा अपाङगहरुलाई स्वरोजगार बनाउन विऊ पूँजी, शीपमूलक तालीम लगायतका कार्य गरिरहेको बताउनुभयो ।

सामर्थ समाजका अध्यक्ष चेतनाथ पोखरेल र राष्ट्रिय अपाङग महासङ्घ प्रदेश अध्यक्ष पार्वता श्रेष्ठ लगायतले अपाङग व्यक्तिहरुलाई सहज जीवन जीउनका लागि जनप्रतिनिधिहरुले महत्वपूर्ण भूमिका खेल्नु पर्नेमा जोड दिनुभयो ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles