राजीनामा फिर्ता लिन भीम रावलमाथि चर्काे दवाव - News Birat

राजीनामा फिर्ता लिन भीम रावलमाथि चर्काे दवाव

न्यूज विराट

काठमाडौं, साउन ६ । एमाले उपाध्यक्ष भीम रावललाई संघीय संसद सदस्यबाट दिएको राजीनामा फिर्ता लिन गृह प्रदेशका सांसदले चर्काे दबाब दिएका छन। नेकपा एमाले सुदूरपश्चिम प्रदेशका १३ जना प्रदेशसभा सदस्य काठमाडौं नै आएर रावललाई राजीनामा फिर्ता लिन दबाब दिनुभएको हो ।

सुदूरपश्चिम प्रदेशका सांसद र मन्त्रीको टोली उहाँको निवासमै पुगेर राजीनामा फिर्ता लिन आग्रह गरेको छ । प्रदेशका आर्थिक मामिला तथा योजना मन्त्री प्रकाशबहादुर शाह, आन्तरिक मामिला तथा कानुन मन्त्री पूर्णा जोशी, सामाजिक विकास मन्त्री लालबहादुर खड्का, भौतिक पूर्वाधार विकास मन्त्री दीर्घ सोडारीलगायत एमाले सुदूरपश्चिमकी सचेतक, पूर्वसचेतसहित १३ जनाले राजीनामा फिर्ता लिन आग्रह गर्नुभएको हो । निवासमै आइपुगेका टोलीलाई रावलले पार्टी एकताको लागि राजीनामा दिएको जानकारी दिनुभएको छ ।

माधव नेपालले शेरबहादुर देउवालाई भोट हाल्नुपर्छ भन्ने दवाव दिएपछि चरम अनैतिक काम गरिन्न भन्दै उपाध्यक्ष रावलले आइतबार बिश्वासको मत लिनुअगावै प्रतिनिधिसभा सदस्य पदबाट राजीनामा दिनुभएको थियो ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles