माइती नेपालद्वारा सञ्चारकर्मीहरुलाई स्वास्थ्य सामग्री प्रदान - News Birat

माइती नेपालद्वारा सञ्चारकर्मीहरुलाई स्वास्थ्य सामग्री प्रदान

न्यूज विराट

विराटनगर,२८ जेठ । अग्रपङतीमा रही सर्वसाधारण नागरिकहरुलाई कोरोना सङक्रमणको जोखिम न्यूनिकरण सचेतना अभियानमा सक्रिय भूमिका खेल्ने सञ्चारकर्मीहरुलाई आज यहाँ स्वास्थ्य सामग्री प्रदान गरिएको छ। माइती नेपाल मोरङले नेपाल पत्रकार महासङ्घ मोरङका पत्रकारहरुलाई कोरोना जोखिमबाट सुरक्षा प्रदानका लागि मास्क, सेनिटाइजर लगायतका स्वास्थ्य सामग्री प्रदान गरेको छ ।

माइती नेपाल मोरङका संयोजक विनोद पोखरेलले महासङ्घ मोरङका अध्यक्ष सन्जिव खनाललाई सञ्चारकर्मीहरुलाई वितरणका लागि उक्त्त सामग्री प्रदान गर्नु भयो । सो अवसरमा संयोजक पोखरेलले समाजमा अग्रपङतीमा रही कोरोना नियन्त्रणमा , रोकथाम लगायतका कार्य गर्ने पत्रकारहरुको समेत जोखिम कम गर्न केही सहयोग गर्न पाउँदा खुशी लगेको र आगामी दिनमा थप सहयोग गर्ने प्रतिद्धता व्यक्त्त गर्नु भयो ।

महासङ्घका अध्यक्ष खनालले प्राप्त स्वास्थ्य सामाग्रीले सञ्चारकर्मीको केही जोखिम कम गर्न सहयोग पुगेको बताउँदै मोरङमा २१ जना पत्रकार सङक्रमित भएकोका मध्ये अहिले तीन जना होम आइशोलेसन र एक जना अस्पतालमा उपचार भैरहेको रहेको जानकारी दिनु भयो ।

 

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles