विराटनगर, १ जेठ । विराटनगरमा कोरोना भाइरसको संक्रमणबाट एक जना विद्युत इन्जीनियरको मृत्यु भएको छ । नेपाल विद्युत प्राधिकरण अन्तरगतको प्रणाली सुदृढीकरण आयोजना विराटनगरमा कार्यरत ४५ वर्षीय इन्जीनियर मोतिलाल मण्डलको कोरोना संक्रमणबाट मृत्यु भएको हो ।

विराटनगरस्थित नोवेल मेडिकल कलेजमा उपचारका क्रममा उनको मृत्यु भएको नोबेलका प्रबन्धक नारायण दाहालले जानकारी दिए । मृत्यु भएका इन्जीनियर मण्डल विराटनगर–१ का बासिन्दा हुन् ।