काठमाडौंमा खनाल-नेपाल समूहनिकट युवासंघको राष्ट्रिय कार्यकर्ता भेला - News Birat

काठमाडौंमा खनाल-नेपाल समूहनिकट युवासंघको राष्ट्रिय कार्यकर्ता भेला

न्यूज विराट

काठमाडौं, ७ चैत । नेकपा (एमाले) को खनाल-नेपाल समूह निकट युवा संघ नेपालले राष्ट्रिय कार्यकर्ता भेला गर्दैछ । काठमाडौंको राष्ट्रिय सभागृहमा हुने भेलालाई पूर्वप्रधानमन्त्री तथा एमाले वरिष्ठ नेता माधव नेपालले सम्बोधन गर्ने कार्यक्रम छ ।

भेलामा सहभागी हुन युवासंघका नेता-कार्यकर्ता देशभरबाट आएका छन् । एमाले र माओवादी केन्द्र ब्युँतिएपछि एमाले विवाद बढीरहेको छ । सोही क्रममा खनाल-नेपाल समूहले चैत ४ र ५ गते राष्ट्रिय कार्यकर्ता भेला गरेको थियो ।

पार्टीमा समानान्तर अभ्यास चलिरहेको सन्दर्भमा खनाल-नेपाल समूह निकट युवा संघले राष्ट्रिय कार्यकर्ता भेला आयोजना गरेको हो । एमालेको विवादका कारण प्रधानमन्त्री तथा पार्टी अध्यक्ष केपी शर्मा ओलीले आजका लागि डकेको संसदीय दल तथा केन्द्रीय समितिको बैठक खनाल-नेपाल समूहले बहिस्कार गरेको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles