मारवाडी प्रिमियर लिग आठौँ संस्करणको उपाधी महेश्वरी युवा मञ्चले जित्यो - News Birat

मारवाडी प्रिमियर लिग आठौँ संस्करणको उपाधी महेश्वरी युवा मञ्चले जित्यो

न्यूज विराट

विरानटनगर, १५ फागुन । विराटनगरमा आयोजित मारवाडी प्रिमियर लिगको ८ औं संस्करण महेश्वरी युवा मञ्चले जितेको छ । विराटनगर तीनपैनीस्थित खेलमैदानमा शनिबार भएको प्रतियोगिताको फाइनल खेलमा ओसवाल युवा क्लबलाई ११ रनले पराजित गर्दै महेश्वरी युव मञ्चले उपाधि चुमेको हो ।

उपाधि विजेता महेश्वरी युवा मञ्चले नगद ४१ हजार र शिल्ड हात पारेको छ । यसैगरी उपविजेता बनेको ओसवाल युवा क्लबले नगद १५ हजार हात पारेको छ ।

बिजेताहरुलाई प्रदेश १ का प्रदेश प्रमुख सोमनाथ अधिकारी प्यासीले पुरस्कार हस्तान्तरण गरे । फागुन १२ गतेबाट शुरु भएको सो प्रतियोगितामा मारवाडी समुदायका ५ वटा टिमहरुको सहभागिता रहेको आयोजक नेपाल अग्रवाल युवा मञ्चका अध्यक्ष मोहित अग्रवालले जानकारी दिए ।

प्रतियोगितामा म्यान अफ दि सिरिज राहुल सोनी भएका छन । त्यसैगरि केएसपी रोयल्सका मुनाल गोयल बेस्ट बलर, प्रिमियर ११ का हरीस बाहेती बेस्ट ब्याट्सम्यान भएको अग्रवालले जानकारी दिए । प्रतियोगितामा केएसबीका पियुष अग्रवाल इमर्जीङ प्लेयर भएका छन । बेस्ट डिसिप्लेनको अवार्ड समेत केएसबीले नै जितेको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles