बुटवलमा ओली समूहले निकाल्‍यो मोटरसाइकल र्‍याली - News Birat

बुटवलमा ओली समूहले निकाल्‍यो मोटरसाइकल र्‍याली

न्यूज विराट

नेकपाको ‌ओली समूहले बुटवलमा मोटरसाइकल र्‍याली आयोजना गरेको छ । १ फागुनमा बुटवलमा आयोजना हुने सभालाई प्रचार गर्ने उद्देश्यले मोटरसाइकल र्‍याली आयोजना गरिएको नेकपा रूपन्देहीले जनाएको छ ।

बुटवलको चौराहबाट सुरु भएको र्‍याली मिलनचोक, बसपार्क, ट्राफिकचोक, अमरपथ हुँदै पुष्पलाल पार्कमा आएर कोणसभामा परिणत भएको थियो । र्‍यालीको लुम्बिनी प्रदेशका मुख्यमन्त्री एवं नेकपाको ओली समूहका लुम्बिनी ईन्चार्ज शंकर पोखरेलले उद्घाटन गरेका थिए । नेता महेश बस्नेतको नेतृत्वमा अनेरास्ववियू, युवा संघ एवं पार्टी कार्यकर्ताको र्‍यालीमा सहभागिता रहेको थियो ।

नेकपाले १ फागनमा बुटवलको सिद्धेश्वरी माविमा बृहत्‍सभा आयोजना गर्दै छ । उक्त सभालाई प्रधानमन्त्री केपी शर्मा ओलीले सम्बोधन गर्नेछन् ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles