युवालाई रोजगार बनाउन उद्योग संगठनले सञ्चालनमा ल्यायो ‘कर्मशिल डट कम’ - News Birat

युवालाई रोजगार बनाउन उद्योग संगठनले सञ्चालनमा ल्यायो ‘कर्मशिल डट कम’

न्यूज विराट

विराटनगर, २१ माघ । वेरोजगार युवायुवतीलाई रोजगार उपलव्ध गराउन आजदेखि कर्मशिल डट कम (karmashil.com)अनलाईन पोर्टल सञ्चालनमा आएको छ । उद्योग संगठन मोरङ र इन्स्योर परियोजनाद्वारा संयुक्त रुपमा संचालित पोर्टलले प्रदेश १ का उद्यमी व्यवसायीहरुलाई आवश्यक पर्ने जनशक्ती सहज एवम् सरल रुपमा उपलव्ध गराउने विश्वास गरिएको छ ।

प्रदेश नं १ का प्रमुख सचिव दिनेश भट्टराईले पोर्टलको शुभारम्भ गर्दै दक्षजनशक्तिको अभावको कारण उद्योगको उत्पादनमा परेको असरलाई यसले समाधान गर्ने विश्वास व्यक्त गरे । उनले उद्योगीहरुलाई आफ्नो उद्योगमा प्रशिक्षार्थीहरुलाई तालीम दिएमा लाग्ने खर्च उद्योग ऐन–२०७७ अनुसार उद्योगको खर्चमा समावेश गरी आयकर कट्टा हुने हुनाले यसलाई उपयोग गर्न आग्रह गरे ।

इन्स्योरका टीम प्रमुख सुभाष सुवेदीले काम खोज्ने र लगाउनहरुको माध्यमको रुपमा पोर्टलले कार्य गर्नुका साथै शिक्षालाई उद्योगसँग जोड्ने बताए । उद्योग संगठन मोरङका अध्यक्ष भीम घिमिरे,उपाध्यक्ष एवं रोजगारदाता राजेश सुराना जफन्टका प्रदेश प्रमुख किशोर धमला लगायतले युवायुवतीलाई यस क्षेत्रका उद्योगहरुलाई आवश्यक पर्ने जनशक्ति अनुरुपको व्यवसायिकका साथै प्रयोगात्मक तालीमको व्यवस्था गर्नुपर्नेमा जोड दिए ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles