काठमाडौंको तारकेश्वरमा देखियो बर्डफ्लु, २५ सयभन्दा बढी पक्षी नष्ट - News Birat

काठमाडौंको तारकेश्वरमा देखियो बर्डफ्लु, २५ सयभन्दा बढी पक्षी नष्ट

न्यूज विराट

काठमाडौंको तारकेश्वर पालिएका पक्षीमा बर्डफ्लु रोग देखिएको छ । कृषि तथा पशुपक्षी विकास मन्त्रालयअन्तर्गतको पशु सेवा विभागका अनुसार तारकेश्वर नगरपालिका- ७, साङ्लेखोला, फुटुङमा स्थानीय कृषकले पालेको टर्की र हाँसको नमुना परीक्षण गर्दा शुक्रबार बर्डफ्लु पुष्टि भएको हो ।

फुटुङका स्थानीय कृषकले पालेका पक्षीमा बर्डफ्लु पुष्टि भएपछि संक्रमण अन्य क्षेत्रमा फैलिन नदिनका लागि शनिबार पशु चिकित्सक तथा प्राविधिकको टोलीले २ हजार ५ सय ४४ वटा पक्षी नष्ट गरेका विभागले जनाएको छ । विभागका अनुसार १ हजार ८ सय ६५ वटा हाँस, ६ सय २२ बट्टाइ, ३२ कुखुरा र २५ टर्की नष्ट गरिएको हो । त्यस्तै, ५ सय ४२ वटा अन्डा र ७५ केजी दानासमेत नष्ट गरी सो क्षेत्रलाई निःसंक्रमण गरिएको छ ।

एक महिनाअघि भारतमा बर्डफ्लु देखिएपछि सरकारले भारतबाट कुनै पनि पक्षीजन्य पदार्थ ओसारपसारमा रोक लगाएको थियो । नेपालमा पनि बर्डफ्लुको जोखिम रहेको भन्दै आवश्यक सतर्कता अपनाउन विभागले आग्रह गरेको छ । पक्षी तथा पक्षीजन्य उत्पानको ओसारपसार गर्द अनिवार्य रूपमा स्वास्थ्य परीक्षण गरी भेटेरिनरी प्रमाणपत्र लिन र फार्म परिसरमा नियमित रूपमा निःसंक्रमण गर्ने तथा व्यक्तिगत सरसफाइमा विशेष ध्यान दिन विभागले भनेको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles