संसद पुनर्स्थापनाका लागि कांग्रेसले झण्डा उठाओस :योगेश भट्टराई - News Birat

संसद पुनर्स्थापनाका लागि कांग्रेसले झण्डा उठाओस :योगेश भट्टराई

न्यूज विराट

विराटनगर, १६ माघ । नेकपा प्रचण्ड-माधव नेपाल समूहका नेता योगेश भट्टराईले प्रतिनिधिसभा पुनर्स्थापनाका लागि कांग्रेसले किन झण्डा उठाउन सक्दैन भनेर प्रश्न गरेका छन् । शुक्रबार विराटनगरमा आयोजित विरोधसभा बोल्दै नेता भट्टराईले प्रधानमन्त्री केपी शर्मा ‌ओलीले असंवैधानिक तरिकाले संसद विघटन गर्दा पनि कांग्रेस विरोधमा नउत्रिएको भन्दै प्रश्न उठाएका हुन् ।

उनले अहिले संविधान मान्ने र नमान्नेबीच र लोकतान्त्रिक र तानाशाहीबीच लडाइँ भइरहेको बताए । ‘यो लडाइँ संविधान मान्ने र नमान्ने बीचको लडाइँ हो, हाम्रो लडाइँ लोकतान्त्रिक र तानाशाहीबीचको लडाइँ हो’ उनले भने ।

प्रधानमन्त्री ओली संसद विघटन गरेर मुलुकमा द्वन्द्व मच्चाउनेतिर लम्किएको उनले बताए । अदालत र निर्वाचन आयोगमा गरिएको ‘सेटिङ फिटिङ’लाई चल्न नदिने भन्दै उनले प्रधानमन्त्रीलाई घुँडा टेकाएरै छाड्ने बताए ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles