पौने तीन लाख घुससहित जनकपुर यातायात कार्यालयका सहयोगीसहित दुई जना पक्राउ - News Birat

पौने तीन लाख घुससहित जनकपुर यातायात कार्यालयका सहयोगीसहित दुई जना पक्राउ

न्यूज विराट

यातायात व्यवस्था कार्यालय जनकपुरका कार्यालय सहयोगी र बिचौलिया घुस रकमसहित पक्राउ परेका छन् । अख्तियार दुरुपयोग अनुसन्धान आयोगको बर्दिबासबाट खटिएको टोलीले कार्यालयमा लुकाएर राखिएको झण्डै पौने तीन लाख घुस रकमसहित कार्यालय सहयोगी भोगेन्द्र कापर र बिचौलिया राजकिशोर भगतलाई गएराति पक्राउ गरेको हो ।

अख्तियारको बर्दिबास कार्यालयका अनुसार सेवाग्राहीबाट घुस लिएर कर्मचारीले बाँडफाँडका लागि कार्यालयको विभिन्न स्थानमा लुकाएर राखेको २ लाख २३ हजार ८ सय रकम र बिचौलिया भगतबाट ५० हजार रुपैयाँ घुस कार्यालयबाट बरामद भएको हो ।

ट्याक्टरको लाइसेन्सका लागि कार्यालयका कम्प्युटर अपरेटर अनिल गिरीलाई ५० हजार घुस दिएर पास गरिदिने सेवाग्राहीको नामावली बोकेर पुगेको बिचौलिया भगतले अख्तियारको टोलीलाई बयान दिएका छन् । उनले गिरीलाई उक्त रकम र नामावली दिन पुगेको समयमा अख्तियारको टोलीले घुस रकमसहित नियन्त्रणमा लिएको अख्तियारले जनाएको छ ।

सवारीचालक अनुमति पत्र निकालिदिए बापत सेवाग्राहीसँग लिएर मोटो घुस रकम कार्यालयमा राखेको गोप्य सूचनाका आाधारमा खटिएको अख्तियारको टोलीले झण्डै ६ घण्टा छापा मारेको थियो ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles