नेपालमा कोरोनाविरुद्धको खोप 'कोभिशिल्ड'लाई आपत्कालीन प्रयोगका लागि अनुमति - News Birat

नेपालमा कोरोनाविरुद्धको खोप ‘कोभिशिल्ड’लाई आपत्कालीन प्रयोगका लागि अनुमति

न्यूज विराट

काठमाडौं, २ माघ-नेपालले भारतीय कम्पनीले उत्पादन गरेको कोरोना भाइरसविरुद्धको खोपलाई आपत्कालीन प्रयोगका लागि अनुमति दिएको छ । औषधि व्यवस्था विभागको शुक्रबार बसेको बैठकले भारतको सेरम इन्स्टिच्युटले उत्पादन गरेको ‘कोभिशिल्ड’ नामक कोरोना भाइरसविरुद्धको खोपलाई नेपालमा आपत्कालीन प्रयोग गर्न अनुमति दिइएको हो ।

नेपालमा आपत्कालीन प्रयोगका लागि अनुमति दिइएको कोरोना भाइरसविरुद्धको यो पहिलो खोप हो । यो खोप भारतमा पनि भोलिदेखि आममानिसलाई लगाउन थालिँदै छ ।

भारतमै उत्पादन हुने अक्सफाेर्ड युनिभर्सिटी र एस्ट्राजेनेकाद्वारा विकास गरिएको ‘कोभिशिल्ड’ नेपालमा भण्डारण गर्न सहज रहेको स्वास्थ्य मन्त्रालयकाे निष्कर्ष छ । यो खोप माइनस २ देखि ८ डिग्री सेल्सियसमा भण्डारण गर्न सकिन्छ । ७७ वटै जिल्लामा सामुदायिक र संस्थागत गरेर ११ हजार खोपकेन्द्र छन् । कोभिशिल्ड यी खोप केन्द्रमा भण्डारण गर्न सकिने स्वास्थ्य मन्त्रालयले जनाएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles