प्रधानमन्त्रीको आमसभाका लागि व्यापक सुरक्षा तयारी - News Birat

प्रधानमन्त्रीको आमसभाका लागि व्यापक सुरक्षा तयारी

न्यूज विराट

धनगढी, २२ पुस-संसद विघटनपछि पहिलो पटक उपत्यका बाहिर कार्यकर्तालाई सम्बोधन गर्न सुदूरपश्चिम आउन लागेका कामचलाउ प्रधानमन्त्री केपी शर्मा ओलीको आमसभाको सुरक्षाका लागि व्यापक सुरक्षा तयारी गरिएको छ ।

नेकपाले २४ पुसमा धनगढीमा आयोजना गर्न लागेको आमसभालाई सम्बोधन गर्न कामचलाउ प्रधानमन्त्री तथा नेकपा ओली समूहका अध्यक्ष केपी ओली आउदैछन् ।

उच्च सुरक्षा स्रोतका अनुसार प्रधानमन्त्री ओली तथा आमसभाको सुरक्षाका लागि २४ पुसमा करिब एक हजारको हाराहारीमा सशस्त्र प्रहरी र नेपाल प्रहरी परिचालन गरिनेछन । झण्डै एक सयको हाराहारीमा सादा पोशाकमा प्रहरी खटिनेछन् । जिल्ला सुरक्षा समिति कैलालीले प्रधानमन्त्रीको सुरक्षा तथा आमसभा स्थलमा अप्रिय घटना हुन नदिन रणनीति बनाउदै छ ।

कैलालीका प्रमुख जिल्ला अधिकारी यज्ञराज बोहराले प्रधानमन्त्री ओलीको सुरक्षाका लागि व्यापक सुरक्षा तयारी गरिएको र थप आवश्यक रणनीति बनाउन आज सुरक्षा समितिको बैठक बस्ने बताए ।आमसभास्थल वरीपरी तथा प्रधानमन्त्री ओली आवात जावत गर्ने सडकमा कुनै पनि किसिमको बिरोध तथा अवरोध गर्न नदिन सुरक्षा निकायलाई उच्च सतर्कतामा राखिएको उच्च सुरक्षा अधिकारीले बताए ।

स्रोतका अनुसार आमसभा स्थल तथा प्रधानमन्त्री आवात जावत गर्ने सडक क्षेत्रमा कालो व्यानर, कालो मास्क र कालोझण्डामा प्रतिबन्ध लगाइनेछ ।

नेकपा विभाजनपछि पहिलो पटक उपत्यका बाहिर प्रधानमन्त्री ओली सहभागी हुने आमसभामा नेकपा प्रचण्ड–नेपाल समूहले बिरोध तथा अबरोध गर्ने जानकारी पाएपछि सुरक्षा निकाय हाई अलर्ट भएको स्रोतले बताएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles