दाहाल–नेपाल दल फोडुवा हुन्ः उपप्रधानमन्त्री पोखरेल - News Birat

दाहाल–नेपाल दल फोडुवा हुन्ः उपप्रधानमन्त्री पोखरेल

न्यूज विराट

जनकपुर, २१ पुस-नेकपाका स्थायी कमिटी सदस्य तथा उपप्रधानमन्त्री ईश्वर पोखरेलले दाहाल–नेपाल समूहलाई दल फोडुवा समूह भन्दै दल फोडनेका पक्षमा नलाग्न आग्रह गरेका छन् । उनले उनीहरुको कारणले कम्युनिष्ट आन्दोलन नै बदनाम भएको जिकिर गरे ।

नेकपा ओली समूहले जनकपुरमा आयोजना गरेको धनुषा जिल्ला स्तरिय अगुवा कार्यकर्ता भेलालाई सम्बोधन गर्दै पोखरेलले तत्कालीन एमालेले लचकता देखाएर माओवादीलाई अर्का अध्यक्ष दिई पार्टी एकता गरेको भन्दै माओवादीको अधिकांश नेता एमालेसंगै रहेकाले मुल पार्टी र चुनाव चिन्ह पनि आफुहरुकै रहने दावी गरे ।

पार्टीलाई जोगाउनको लागि नै प्रधानमन्त्री क्रियाशिल रहेको बताउदै पार्टीलाई विभाजन गर्ने कार्य दाहाल र माधव नेपाल समूहले नै गरेको आरोप लगाए । उनले नेपाली इतिहासमा कम्यूनिष्ट आन्दोलनले फड्को मारेको बेलामा करिब ३ वर्ष पार्टी एकता भएको नवित्दै आफ्नै अध्यक्ष विरुद्ध पार्टी भित्रैबाट एकता विरोधी गतिविधि भएको गुनासो गरे ।

कार्यक्रममा बोल्दै शहरी विकास मन्त्री प्रभु साहले संसद विघटन आफै आत्मघाती रहेको बताए । उनले संसद विघटनबाट कोही पनि खुसी नरहेको बताउदै आफनै पार्टी विरुद्ध षडयन्त्र हुन थालेपछि वाध्यतावश संसद विघटन गर्नु परेको जिकिर गरे ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles