बागमतीमा नेकपा संसदीय दलको नेतामा अष्टलक्ष्मी चयन - News Birat

बागमतीमा नेकपा संसदीय दलको नेतामा अष्टलक्ष्मी चयन

न्यूज विराट

काठमाडौं, १५ पुस-बागमती प्रदेशमा नेकपा संसदीय दल औपचारिक रुपमा विभाजित बनेको छ । बुधबार बसेको प्रचण्ड–माधव नेपाल पक्षधर सांसदको संसदीय दलको बैठकले डोरमणि पौडेललाई हटाएर अष्टलक्ष्मी शाक्यलाई संसदीय दलको नेता चयन गरेको छ ।

पार्टी कार्यालय पेरिसडाँडामा बसेको बैठकले शाक्यलाई संसदीय दलको नेता चयन गर्दै डोरमणि पौडेलले सोधेको स्पष्टिकरण दिन नपर्ने निर्णय गरेको हो ।

यसअघि नै शाक्यलाई मुख्यमन्त्रीको प्रस्ताव गर्दै प्रचण्ड–नेपाल पक्षले पौडेलविरुद्ध अविश्वासको प्रस्ताव दर्ता गरिसकेको छ । पौडेलविरुद्ध अविश्वासको प्रस्ताव दर्ता भइसकेकाले उनले एक महिनाभित्र विश्वासको मत जित्नुपर्नेछ ।

११० सदस्यीय प्रदेशसभामा नेकपाका ८१ जना सांसद छन् । जसमध्ये ४५ जना प्रचण्ड–नेपाल पक्षमा रहेका छन् । नेकपा विभाजित भएसँगै अब सरकार गठनमा कांग्रेस निर्णायक शक्ति बनेको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles