ओलीको सनकले संविधान धरापमाः भीम आचार्य - News Birat

ओलीको सनकले संविधान धरापमाः भीम आचार्य

न्यूज विराट

विराटनगर, १४ पुस-प्रतिनिधिसभा पुर्नस्थापनाको माग गर्दै मंगलबार विराटनगरमा नेकपा प्रचण्ड–माधवकुमार नेपाल समुहले विराटनगरमा शक्ति प्रर्दशन गरेको छ । गत ५ पुसमा प्रधानमन्त्री केपी शर्मा ओली गरेको संसद विघटन विरुद्ध नेकपा प्रचण्ड–नेपाल समुह मोरङले संयुक्त शक्ति प्रर्दशन गरेको हो ।

प्रर्दशनका क्रममा पार्टीका नेता, कार्यकता तथा आम सर्वसाधारणले प्रतिनिधिसभा विघटनको असंवैधानिक कदम खारेज गर, सार्वभौम संसद पुर्नस्थापना गर, संविद्यानको रक्षा गर लगायतका नारा घन्काउँदै विशाल विरोध ¥याली समेत निकालेका थिए ।

विराटनगरको विरेन्द्र सभा गृहदेखि सुरु भएको ¥याली गोल्छा चौक, जलजला चौक र ट्राफिक चौक हुँदै जनआन्दोलन चौक पुगेर कोणसभामा परिणत भएको थियो । कोणसभालाई सम्बोद्यन गर्नुहुँदै पार्टीका स्थायी कमिटी सदस्य तथा प्रदेश १ ईन्चार्ज भीम आचार्यले प्रधानमन्त्री ओलीको निजी स्वार्थ र सनकको कारणले संविद्यान धरापमा पर्ने स्थिति सिर्जना भएको बताए ।

उनले प्रधानमन्त्री ओलीको सत्ता लालचका कारणले लोकतन्त्र र गणतन्त्रमाथि सङ्कट पैदा भएको जिकिर गरे । दीर्घकालको संघर्ष पश्चात संस्थागत भएका संवैधानिक उपलब्धिहरु प्रधानमन्त्री ओलीको असंवैधानिक हर्कतका कारण दुषित हुँदै गएको नेकपा मोरङ जिल्ला ईन्चार्ज घनेन्द्र बस्नेतले बताए । उनले प्रतिनिधिसभा विघटन गरेर प्रधानमन्त्री ओलीले मुलुकलाई प्रतिगमन तर्फ धकेलेको आरोप लगाए ।

प्रधानमन्त्री ओलीकै कारण मुलुकमा आर्थिक क्रान्ति, आर्थिक समृद्धि, समानुपातिक विकास र समृद्ध नेपालका प्रतिबद्धताहरु पुरा गर्न नसकिएको पूर्व सांसद शिवकुमार मण्डलले बताए । ‘संघीयता, समानुपातिक र समावेशी लगायतका मुल्य र मान्यतामा आधारित बहुआयामिक संविधानसहित आर्थिक समृद्धिको दिशामा लाग्न हामीले जिम्मा दिएका थियौं, उनले भने, ‘तर दुःखका साथ भन्नुपर्छ गैह्र कम्युनिष्ट नेतृत्वको रुपमा रहेका केपी ओलीको कारण गणतन्त्रात्मक विमान दुर्घटना हुन पुगेको छ ।’

सोही अवसरमा बोल्नुहुँदै नेकपाका केन्द्रिय सदस्य महेश रेग्मीले न्यायालय र निर्वाचन आयोगलाई निति तथा संविद्यानमा उभिन आग्रह गरे । उनले संविद्यानको धारामा टेकेर फैसला गर्ने बित्तिकै संसद पुर्नस्थापना हुने र मुलुकलाई नयाँ दिशातर्फ डो¥याउन सघाउ पुग्ने जानकारी दिए ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles