निर्वाचनको सुनिश्चीतता लागि निरन्तर खबरदारी : डा शेखर कोइराला - News Birat

निर्वाचनको सुनिश्चीतता लागि निरन्तर खबरदारी : डा शेखर कोइराला

न्यूज विराट

विराटनगर, १३ पुस-नेपाली कांग्रेसका नेता डा. शेखर काइरालाले संसद विघटनको निर्णयलाई सर्बोच्च अदालतले सदर गरेको खण्डमा निर्वाचनको सुनिश्चीतताका लागि निरन्तर खबरदारी गरिने बताएका छन् ।

नेपाली कांग्रेस मोरङ क्षेत्र नं. ६ ले सोमबार विराटनगरमा आयोजना गरेको विरोधसभालाई सम्बोधन गर्दै नेता कोइरालाले संसद विघटन गर्न सरकारले चालेका कदम नसच्चिएसम्म निरन्तर विरोध गरिरहने बताउँदै सर्बोच्ले सरकारकै पक्षमा फैसला गरे निर्वाचनको सुनिश्चीतताका लागि कांग्रेसले निरन्तर खबरदारी गर्ने बताएका हुन् । ‘जबसम्म सरकारको कदम सच्चिँदैन तब सम्म हामी पटक पटक विरोध गरिरहन्छौँ ।’ उनले भने,‘यति मात्र होइन सर्बोच्चले संसद विघटनलाई सदर गरिदियो भने पनि निर्वाचनको शुनिश्चीतताका लागि पनि नेपाली कांग्रेसले विरोध गरिरहनुपर्ने आवश्यकता छ ।’

नेता कोइरालाले सरकारको कदम विरुद्ध नेपाली कांग्रेस सडकमा आएकाले सडकबाटै निर्णय गरेर अघि बढ्ने बताए । उनले.संसद विघटन नभएको अवस्थामा निरन्तर प्रधानमन्त्री ओलीको साथ प्रचण्ड माधव नेपालले दिएकाले उनीहरु पनि उत्तिकै दोषि रहेको आरोप लगाए । ‘प्रधानमन्त्रीले निरन्तर अलोकतान्त्रीक र असंवैधानिक कदमलाई संसद चलेका बेला साथ दिने प्रचण्ड माधव नेपालको पनि हामी विरोध गर्छौँ ।’ उनले भने,‘संसदमा हुँदा उहाँहरुले जतिपनि विधेयक ल्याउनुभयो सरकार निरंकुशता तिर अगाडी बढ्यो । सम्पत्ति शुद्धिकरण विभाग, राजश्व अनुसन्धान विभाग, अनुसन्धान विभाग सवै प्रधानमन्त्रीको नेतृत्वमा ल्याउँदा प्रचण्ड माधव नेपाल चुप लागेर बसिरहनु भएको थियो र केपी ओलीको मतियार भएर अडाडी जानु भइरहेका थियो । त्यसकारण यो सरकारको विरोध गर्दा प्रचण्ड माधव नेपाल पनि उत्तिकै दोषि हो भन्न हामीले सक्नुपर्छ । .

डा. कोइरालाले वर्तमान सरकारमा नेपाली कांग्रेस सहभागि नहुने प्रष्ट पारे । ‘तपाइहरुलाई नेपाली कांग्रेस सरकारमा जान्छ कि भन्ने शंका लागेका होला ।’ उनले भने,‘हामी कुनै हालतमा जाँदैनौँ भनेर तपाइहरुका बिचमा भन्न चाहन्छु ।’

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles