पछिल्लो २४ घण्टामा प्रदेश १ मा ६७ संक्रमित थपिए - News Birat

पछिल्लो २४ घण्टामा प्रदेश १ मा ६७ संक्रमित थपिए

न्यूज विराट

विराटनगर, २८ मंसिर–प्रदेश १ मा आइतबार कोरोना भाइरसको संक्रमणबाट सात जनाको मृत्यु भएको छ । एकै दिन प्रदेश १ को झापा जिल्लाका दुई महिला र पाँच पुरुषको मृत्यु भएको हो । यो सँगै प्रदेश १ मा कोरोना भाइरसको संक्रमणबाट मृत्यु हुनेको संख्या ४ सय २७ पुगेको छ । जसमध्ये पाँच महिला र २५ पुरुष प्रदेश १ बाहिरका रहेको सामाजिक विकास मन्त्रालयले जनाएको छ ।

आज ६७ संक्रमित थपिए, ५९ जना डिस्चार्ज
प्रदेश १ मा पछिल्लो २४ घण्टामा ६७ जना कोरोना संक्रमित थपिएका छन् । मोरङमा ३१, झापामा १८, सुनसरीमा पाँच, तेह्रथुम, ताप्लेजुङ र उदयपुरमा दुई÷दुई, संखुवासभा र भोजपुरमा एक÷एक र प्रदेश १ बाहिरका पाँच जना रहेको सामाजिक विकास मन्त्रालयले जनाएको छ ।
मोरङको विराटनगरमा १६, बेलबारीमा १२, सुन्दरहरैचामा दुई र रतुवामाईमा एक, झापाको विर्तामोडमा छ, दमकमा चार, गौरादहमा तीन, शिवसताक्षीमा दुई, गौरीगञ्ज, मेचीनगर र कमलगाउँपालिकामा एक÷एक, सुनसरीको इटहरीमा दुई, इनरुवा, रामधुनी र बर्जुमा एक÷एक, तेह्रथुमको लालीगुराँसमा दुई, ताप्लेजुङको फुङलिङमा दुई, उदयपुरको त्रियुगामा दुई, संखुवासभाको खाँदबारी र भोजपुरमा एक÷एक र प्रदेश १ बाहिरका पाँच जनाको रिपोर्ट पोजिटिभ आएको मन्त्रालयले जनाएको छ ।

प्रदेश १ मा आइतबार ५९ जना डिस्चार्ज भएका छन् । डिस्चार्ज हुने सवै होमआईसोलेसनका रहेका छन् । प्रदेश १ मा आज चार सय ६० जनाको पीसीआर परीक्षण गरिएको छ । परीक्षण गरिएका मध्ये ३७ महिला र ३० पुरुषको रिपोर्ट पोजेटिभ आएको हो ।

४ हजार ८ सय सक्रिय संक्रमित
प्रदेश १ मा हालसम्म २८ हजार ८ सय ७९ जनामा कोरोना संक्रमण पुष्टि भएकोमा अहिले ४ हजार ८ सय १७ जना मात्र सक्रिय संक्रमित रहेका छन् । जसमध्ये २३ हजार ६ सय ३५ जना कोरोना मुक्त भएर घर फर्किएका छन् ।

आइतबार संक्रमण पुष्टि भएकासहित प्रदेश १ को मोरङमा सवैभन्दा बढी ६ सय ९१ महिला र ९ सय ८० पुरुष सक्रिय संक्रमित रहेका छन् । त्यसैगरी झापामा ५ सय ११ महिला ७ सय २६ पुरुष, सुनसरीमा ४ सय ५१ महिला ६ सय ११ पुरुष, धनकुटामा १० महिला २१ पुरुष, भोजपुरमा ३ महिला ९ पुरुष, खोटाङमा ६ महिला ९ पुरुष, उदयपुरमा २० महिला ४१ पुरुष, सोलुखुम्बुमा ३ महिला ४ पुरुष, संखुवासभामा ३२ महिला १ सय ११ पुरुष, तेह्रथुममा ७ महिला १३ पुरुष, इलामा ७३ महिला १ सय २० पुरुष, पाँचथरमा १३ महिला ३२ पुरुष, ताप्लेजुङमा १३ महिला ४४ पुरुष, ओखलढुंगामा दुई पुरुष र प्रदेश १ बाहिरका ७२ महिला १ सय ८४ पुरुष उपचाररत रहेको मन्त्रालयले जनाएको छ । प्रदेश १ मा हालसम्म २ लाख ६ सय ३८ जनाको पीसीआर परीक्षण गरिएको मन्त्रालयले जनाएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles