देशव्यापी प्रदर्शनका लागि कांग्रेसले तोक्यो शीर्ष नेताको सम्बोधन क्षेत्र - News Birat

देशव्यापी प्रदर्शनका लागि कांग्रेसले तोक्यो शीर्ष नेताको सम्बोधन क्षेत्र

न्यूज विराट

प्रमुख प्रतिपक्ष नेपाली कांग्रेसले २९ मंसिरमा गर्न थालेको देशव्यापी प्रदर्शनको लागि शीर्ष नेताको कार्यक्षेत्र तोकेको छ । पार्टी मुख्य सचिव कृष्णप्रसाद पौडेलले १० नाराका साथ शीर्ष नेता कुन जिल्लामा गएर सम्बाेधन गर्ने भन्ने विषय तोकिएको जानकारी दिए ।

कांग्रेस सभापति शेरबहादुर देउवा हेटौँडामा हुने प्रदर्शनमा सहभागी हुने भएका छन् । वरिष्ठ नेता रामचन्द्र पौडेलले काठमाडौंमा सम्बोधन गर्ने कार्यक्रम तय भएको छ । उपसभापति विमलेन्द्र निधिले भक्तपुर, महामन्त्री शशांक कोइरालाले विराटनगर, कोषाध्यक्ष सीतादेवी यादवले ललितपुरको प्रदर्शनमा सम्बोधन गर्ने कार्यतालिका बनाइएको छ ।

पूर्वमहामन्त्री कृष्णप्रसाद सिटौलाले महोत्तरी, पूर्वमहामन्त्री प्रकाशमान सिंह धनुषामा सम्बोधन गर्नेछन् ।  सहमहामन्त्री प्रकाशशरण महतले झापा, पूर्वउपसभापति गोपालमान श्रेष्ठले काभ्रेमा सम्बोधन गर्ने कार्यतालिका छ ।

नेताहरू रामशरण महत, चित्रलेखा यादव, अर्जुनरसिंह केसी, गगन थपा, प्रदीप पौडेलले क्रमश: चितवन, सप्तरी, कास्की, कैलाली र कञ्चनपुरमा सम्बोधन गर्ने भएका छन् । कांग्रेसले प्रदर्शनको क्रममा लगाउने १० नारा पनि तय गरेको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles