प्रधानमन्त्रीले बोलाए संवैधानिक परिषद्को बैठक - News Birat

प्रधानमन्त्रीले बोलाए संवैधानिक परिषद्को बैठक

न्यूज विराट

प्रधानमन्त्री केपी ओलीले २८ मंसिर आइतबार बिहान संवैधानिक परिषद्को बैठक बोलाएका छन् । प्रधानमन्त्री ओलीले आइतबार बिहान बैठक बस्न सदस्यहरूलाई पत्र काट्न मुख्यसचिव शंकरदास बैरागीलाई निर्देशन दिएको बालुवाटार स्रोतले बतायो । बैठकमा अख्तियार दुरुपयोग नियन्त्रण आयोगलगायत संवैधानिक आयोगहरू नियुक्तिको प्रस्ताव आउने बताइएको छ ।

प्रधानमन्त्रीको अध्यक्षतामा रहने संवैधानिक परिषद्‍मा प्रमुख प्रतिपक्षी दलका नेता, प्रतिनिधिसभाका सभामुख, राष्ट्रियसभाका अध्यक्ष, प्रधानन्यायाधीश र उपसभामुख सदस्य रहने व्यवस्था छ । शिवमाया तुम्हाम्फेले राजीनामा गरेपछि उपसभामुख पद भने रिक्त छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles