६२८६ जनाको नमुना परीक्षण गर्दा १०५६ संक्रमित थपिए - News Birat

६२८६ जनाको नमुना परीक्षण गर्दा १०५६ संक्रमित थपिए

न्यूज विराट

नेपालमा पछिल्लो २४ घण्टाको अवधिमा थप १ हजार ५६ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आज ६ हजार २८६ जनाको पीसीआर परीक्षण गर्दा ३८६ महिला र ६७० पुरुषमा कोरोना पुष्टि भएको हो । योसँगै नेपालमा कुल कोरोना संक्रमितको संख्या २ लाख ४४ हजार ४३३ पुगेको छ ।

कुल संक्रमितमध्ये २ लाख ३० हजार ५७३ जना निको भएका छन् । बुधबार थप १ हजार ४८३ जना निको भएको मन्त्रालयले जनाएको छ । कुल संक्रमितमध्ये ९४.३ प्रतिशत निको भएको मन्त्रालयको तथ्यांक छ ।

आज देशभर १२ हजार २४५ जना सक्रिय संक्रमित रहेका छन् । उनीहरूको होम तथा संस्थागत आइसोलेसनमा उपचार भइरहेको मन्त्रालयले जनाएको छ ।

आज थप १४ जनाको कोरोना संक्रमणबाट मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या १ हजार ६५१ पुगेको छ । ५२५ जना क्वारेन्टाइनमा रहेका छन् ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles