काठमाडौं उपत्यकामा ६१७४ सक्रिय संक्रमित - News Birat

काठमाडौं उपत्यकामा ६१७४ सक्रिय संक्रमित

न्यूज विराट

पछिल्लो २४ घण्टाको अवधिमा काठमाडौं उपत्यकमा ४९६ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टाको अवधिमा काठमाडौं उपत्यकामा २१४ महिला र २८८ पुरुषमा कोरोना संक्रमण पुष्टि भएको हो ।

काठमाडौंमा ३९३, ललितपुर ७५ भक्तपुर र ३९ जनामा कोरोना पुष्टि भएको मन्त्रालयले जनाएको छ । उपत्यकामा ६ हजार १७४ जना सक्रिय संक्रमित रहेका छन् । काठमाडौंमा ४ हजार ७८१, ललितपुर ९४० र भक्तपुरमा ४५३ जना सक्रिय संक्रमित रहेका छन् ।

देशभर आज १ हजार ५६ जनामा संक्रमण पुष्टि भएको छ । आज ६ हजार २८६ जनाको स्वाब नमुना पीसीआर विधिबाट परीक्षण गर्दा ३८६ महिला र ६७० पुरुषमा कोरोना पुष्टि भएको हो । योसँगै नेपालमा कुल कोरोना संक्रमितको संख्या २ लाख ४४ हजार ४३३ पुगेको छ ।

कुल संक्रमितमध्ये २ लाख ३० हजार ५७३ जना निको भएका छन् । बुधबार थप १ हजार ४८३ जना निको भएको मन्त्रालयले जनाएको छ । आज देशभर १२ हजार २४५ जना सक्रिय संक्रमित रहेका छन् ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles