लोकसेवाले खोल्यो पाँचसय बढी अधिकृतमा विज्ञापन - News Birat

लोकसेवाले खोल्यो पाँचसय बढी अधिकृतमा विज्ञापन

न्यूज विराट

कोरोना भाइरसको महामारीका कारण लामो समयदेखि विज्ञापन नगरेको लोक सेवा आयोगले विभिन्न पदमा नयाँ भर्नाका लागि विज्ञापन खुलाएको छ ।

आयोगले राजपत्रांकित तृतीय श्रेणी (अप्राविधिक), शाखा अधिकृत वा सो सरहका ५१३ पदमा विज्ञापन खुलाएको हो । यसमध्ये १५३ जना भने जेष्ठताको आधारमा बढुवा हुनेछन् भने बाँकी पदहरुमा भने खुला तथा समावेशीको आधारमा पदपूर्ति गरिने लोक सेवा आयोगले उल्लेख गरेको छ ।

सामान्य प्रशासन समूहमा खुलातर्फ ४४ अधिकृत पदमा विज्ञापन खुलाइएको छ । यसैगरी राजश्वमा ४१, लेखामा ३४, लेखा परीक्षणमा १२ र परराष्ट्र सेवामा १  पदमा खुलातर्फ विज्ञापन खुलेको छ । विज्ञापन खुलाइएपनि परीक्षाको मिति भने पछि तोकिने आयोगले जनाएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles