विश्वराज पोखरेल एआईजीमा बढुवा - News Birat

विश्वराज पोखरेल एआईजीमा बढुवा

न्यूज विराट

काठमाडौं, १५ मंसिर-नेपाल प्रहरीका प्रहरी नायव महानिरीक्षक (डीआईजी) विश्वराज पोखरेल अतिरिक्त महानिरीक्षक (एआईजी) बढुवाका लागि सिफारिस भएका छन् । एआईजीमा बढुवासँगै पोखरेल अहिलेका प्रहरी महानिरीक्षक (आइजीपी) शैलेस थापा क्षेत्रीको अवकासपछि प्रहरी नेतृत्वमा प्रबल दाबेदार रहने छन् ।

सोमबार गृहसचिव महेश्वर न्यौपानेको अध्यक्षतामा बसेको बढुवा सिफारिस समितिले पोखरेललाई एआईजीमा बढुवाका लागि सिफारिस गरेको हो । बढुवा सिफारिस समितिमा प्रधानमन्त्री कार्यालयका सचिव सदस्य र आईजीपी सदस्य सचिव रहने व्यवस्था छ ।

८ मंसिरको मन्त्रिपरिषद्को बैठकले प्रहरीमा १ एआइजी र ५ डीआइजी थप्ने निर्णय गरेको थियो । १ आइअजी सिफारिससँगै अब डीआइजीको पनि केही दिनमै बढुवा सिफारिस गर्ने गृहमन्त्रालयको तयारी छ । अब नेपाल प्रहरीमा प्राविधिकसहित ४ एआइजी र १९ डीआइजी रहने छ्न् ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles