सांसदहरुले कोरोना नियन्त्रणमा भूमीका खेल्नुपर्छः अध्यक्ष तिमिल्सना - News Birat

सांसदहरुले कोरोना नियन्त्रणमा भूमीका खेल्नुपर्छः अध्यक्ष तिमिल्सना

न्यूज विराट

विराटनगर, १४ मंसिर–राष्ट्रिय सभाका अध्यक्ष गणेशप्रसाद तिमिल्निाले सांसदहरुले कोभिड–१९ को न्यूनिकरणका लागि जनतामा सचेतना जागृत गराउन प्रभावकारी भुमिका खेल्नु पर्ने बताएका छन् । स्वास्थ्य तथा जनसङ्ख्या मन्त्रालय, प्रदेश नंं. १ सामाजिक विकास मन्त्रालय र राष्ट्रिय सभाद्वारा संयुक्त रुपमा आइतबार विराटनगरमा आयोजित कोभिड–१९ जस्तो माहामारी र जोखिममा प्रभावकारी सञ्चारका लागि सांसदहरुको भूमिका विषयक अन्तरक्रिया कार्यक्रमको उद्घाटन गर्दै उनले यस्तो बताएका हुन् ।

अध्यक्ष तिमिल्सिनाले अहिलेसम्म रोगको उपचार र प्रविधि नरहेको हुनाले नियन्त्रणका लागि जनप्रतिनिधिहरुले जनतालाई सूचना प्रविधिको प्रयोगगरी सुसूचित गराउनु आजको आवश्यक्ता भएको औल्याए । उनले कोरोना विश्व युद्धभन्दा खतरनाक रहेकोले विश्व स्वास्थ्य संंगठनको मापदण्डलाई पालना गरी मानवीय जीवन र आर्थिक कार्य चलायमान गर्नुपर्नेमा जोड दिए । अध्यक्ष तिमिल्सिनाले पूर्व सावधानी अपनाउनु , संक्रमित भै हाले के गर्ने ?,यस्को समाधान सम्वन्धमा जनता समक्ष सहि सूचना लिएर जनप्रतितिधिहरुले घरदैलो गर्नुपर्ने बताए ।

कार्यक्रममा प्रदेश१ का मुख्यमन्त्री शेरधन राईले कोरोना रोकथाम एवं उपचारका लागि व्यवस्थित योजनाका साथ प्रदेश सरकारले काम गरिरहेको दावी गरे । उनले कारोना नियन्त्रणका लागि जनप्रतिनिधिहरुको महत्वपूर्ण भूमिका हुने उल्लेख गर्दै जनतालाई सचेतना जागृत गराउन जिल्ला, स्थानीयतह र वडास्तरका कार्य गर्नु पर्नेमा जोड दिए ।

मुख्यमन्त्री राईले कोरोना नियन्त्रणमा आउने निश्चित नभएकाले यसबाट आफू, आफ्नो परिबार, समाजलाई बचाउन, सुरक्षित रहन अपनाउनु पर्ने सुरक्षित उपायका बारेमा जनतामा चेतना जागृत गर्नु नै महत्वपूर्ण रहेको बताए ।

उनले प्रदेश सरकार संक्रमित जनतालाई सहज र गुणस्तरीय उपचार प्रदान गर्न सचेत र सजग भै थप आइशोलन निर्माण कार्य गरिरहेको बताउदै निजी क्षेत्रको कोभिड अस्पतालको अनुगमन गरी नेपाल सरकारको नीतिलाई पालना गरी जनतालाई निःशुल्क उपचार गर्न निर्देशन दिएको जानकारी दिए ।

सामाजिक मन्त्री जीवन घिमिरेले संक्रमितको उपचारका लागि संघीय सरकार र प्रदेश सरकारको संयुक्त पहलमा उच्च सुविधा सहितको विराटनगर, धरान र झापामा आइशोलन निर्माण भइरहेको जानकारी दिदै जनताको उपचारका लागि निजी क्षेत्रको कोभिड अस्पतालले सरकारको नियमलाई पालना गर्नुपर्ने बताए ।

प्रदेश नंं १ का सामाजिक विकास मन्त्रालयका सचिव गोविन्द वहादुर कार्की र विश्व स्वास्थ्य संगठनका नेपालस्थित कार्यालयका विज्ञ डा.सुदूर वर्माले कोरोना नियन्त्रण र न्यूनिकरणमा जनप्रतिनिधि र स्वास्थ्य संस्थाको भूमिका महत्वपूर्ण हुने बताए । कार्यक्रममा संघीय सांसद, प्रदेशका मन्त्रीहरु, प्रदेश सभा सदस्यहरु, स्वास्थ्य क्षेत्रमा कार्यरत संस्थाका प्रतितिधिहरुको सहभागिता रहेको थियो ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles