पछिल्लो २४ घण्टामा प्रदेश १ मा १८० संक्रमित थपिए, ८४ डिस्चार्ज - News Birat

पछिल्लो २४ घण्टामा प्रदेश १ मा १८० संक्रमित थपिए, ८४ डिस्चार्ज

न्यूज विराट

विराटनगर, १३ मंसिर–प्रदेश १ मा शनिबार १ सय ८० जना कोरोना संक्रमित थपिएका छन् । सुनसरीमा ५३, झापामा ४९, मोरङमा ३६, इलाममा १७, पाँचथरमा छ, धनकुटामा चार, उदयपुरमा दुई, ताप्लेजुङ, तेह्रथुम र भोजपुरमा एक÷एक र प्रदेश १ बाहिरका १० जना रहेको सामाजिक विकास मन्त्रालयले जनाएको छ ।

सुनसरीको धरानमा २५, इटहरीमा २३, दुहवी र रामधुनीमा दुई÷दुई, भोक्राहानरसिंहमा एक, झापाको दमकमा २२, विर्तामोडमा सात, भद्रपुरमा पाँच, अर्जुनधारामा चार, मेचीनगरमा तीन, कनकाईमा दुई, शिवसताक्षी, बाह्रदशी, कचनकवल, गौरादह र झापा गाउँपालिकामा एक÷एक र स्थानीय तह नखुलेका एक, मोरङको विराटनगरमा १६, कटहरी र सुन्दरहरैचामा चार÷चार, बेलबारीमा तीन, कानेपोखरी, पथरीशनिश्चरे र सुनबर्षीमा दुई÷दुई, केराबारी, रंगेली र ग्रामथानमा एक÷एक जनामा संक्रमण देखिएको छ ।

उता इलामको सुर्योदयमा १४, इलाम नगरपालिका, देउमाई र चुलाचुलीमा एक÷एक पाँचथरको फिदिममा चार, मिक्लाजुङ र स्थानीय तह नखुलेका एक÷एक, धनकुटाको धनकुटा नगरपालिकामा चार, उदयपुरको त्रियुगा र वेलकामा एक÷एक, ताप्लेजुङको फुङलिङ, तेह्रथुम र भोजपुरमा एक÷एक र प्रदेश १ बाहिरका १० जनाको रिपोर्ट पोजिटिभ आएकोे सामाजिक विकास मन्त्रालयले जनाएको छ । योसँगै प्रदेश १ मा कोरोना संक्रमितको संख्या २६ हजार ८ सय ५९ पुगेको छ ।

प्रदेश १ मा शनिबार ८४ जना डिस्चार्ज भएका छन् । डिस्चार्ज हुनेसवै होमआईसोलेसनका रहेका छन् । हालसम्म डिस्चार्ज हुनेको संख्या २१ ह्जार ७ सय ६२ पुगेको छ । प्रदेश १ मा शनिबार ७ सय ७३ जनाको पीसीआर परीक्षण गरिएको छ । परीक्षण गरिएका मध्ये ६८ महिला र १ सय १२ पुरुषको रिपोर्ट पोजिटिभ आएको हो । हालसम्म १ लाख ८९ हजार ५ सय २ जनाको पीसीआर परीक्षण गरिएको सामाजिक विकास मन्त्रालयले जनाएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles