पछिल्लो २४ घण्टामा प्रदेश १ मा २२० कोरोना संक्रमित थपिए, १८८ डिस्चार्ज - News Birat

पछिल्लो २४ घण्टामा प्रदेश १ मा २२० कोरोना संक्रमित थपिए, १८८ डिस्चार्ज

न्यूज विराट

विराटनगर, १२ मंसिर–प्रदेश १ मा शुक्रबार २२० जना कोरोना संक्रमित थपिएका छन् । झापामा ८४, मोरङमा ७२, सुनसरीमा ३५, संखुवासभामा १०, इलाममा छ, खोटाङमा दुई, उदयपुर र धनकुटामा एक÷एक र प्रदेश १ बाहिरका नौ जना रहेको सामाजिक विकास मन्त्रालयले जनाएको छ ।

झापाको दमकमा २६, कनकाईमा १३, भद्रपुर र विर्तामोडमा १०÷१०, मेचीनगरमा नौ, बुद्धशान्तिमा तीन, गौरीगञ्ज, शिवसताक्षी, बाह्रदशी, अर्जुनधारा, झापा गाउँपालिकामा दुई÷दुई, हल्दिबारी, गौरादह र स्थानीय तह नखुलेका एक÷एक, मोरङको विराटनगरमा ४४, सुन्दरहरैचामा आठ, पथरीशनिश्चरे र बेलबारीमा पाँच÷पाँच, उर्लाबारीमा चार, रतुवामाईमा तीन, मिक्लाजुङमा दुई, कटहरीमा एक, सुनसरीको धरानमा १३, इटहरीमा आठ, इनरुवा र बराहक्षेत्रमा छ÷छ, रामधुनी र दुहवीमा एक÷एक जनामा संक्रमण देखिएको छ ।

उता संखुवासभाको खाँदबारीमा आठ, सभापोखरी र स्थानीयतह नखुलेका एक÷एक, इलामको सुर्योदय र माईजोगमाईमा दुई÷दुई, चुलाचुली र मांसेबुङमा एक÷एक, खोटाङको हलेसी तुवाचुङ र स्थानीय तह नखुलेका एक÷एक, उदयपुरको रौतामाईमा एक, धनकुटामा एक र प्रदेश १ बाहिरका नौ जनाको रिपोर्ट पाजिटिभ आएकोे सामाजिक विकास मन्त्रालयले जनाएको छ । प्रदेश १ मा कोरोना संक्रमितको संख्या २६ हजार ६ सय ७९ पुगेको छ ।

प्रदेश १ मा शुक्रबार १ सय ८८ जना डिस्चार्ज भएका छन् । होमआईसोलेसनबाट १७८, विराट मेडिकल कलेजबाट आठ, वीपी कोइराला स्वास्थ्य विज्ञान प्रतिष्ठान र न्युरो अस्पतालबाट एक÷एक जना डिस्चार्ज भएका छन् । हालसम्म डिस्चार्ज हुनेको संख्या २१ हजार ६ सय ७९ पुगेको छ ।

प्रदेश १ मा शुक्रबार ९ सय ११ जनाको पीसीआर परीक्षण गरिएको छ । परीक्षण गरिएका मध्ये ८९ महिला र १ सय ३१ पुरुषको रिपोर्ट पोजिटिभ आएको हो । हालसम्म १ लाख ८८ हजार ७ सय २९ जनाको पीसीआर परीक्षण गरिएको सामाजिक विकास मन्त्रालयले जनाएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles