काठमाडौं उपत्यकामा थप ९४७ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार २४ घण्टाको अवधिमा काठमाडौं उपत्यकामा ४१० महिला र ५३७ पुरुषमा संक्रमण पुष्टि भएको हो ।

आज काठमाडौंमा सबैभन्दा धेरै संक्रमित थपिएका छन् । काठमाडौंमा ६९२ जनामा कोरोना पुष्टि भएको मन्त्रालयको तथ्यांक छ । त्यस्तै, ललितपुरमा १९० र भक्तपुरमा ६५ जनामा कोरोना पुष्टि भएको छ ।

काठमाडौंमा कुल संक्रमितको संख्या ८४ हजार ५१७ पुगेको छ । कुल संक्रमितमध्ये ७६ हजार ४४२ जना निको भएका छन् भने ७ हजार ७४४ सक्रिय संक्रमित रहेका छन् ।

भक्तपुरमा ७ हजार ५८८ जनामा कोरोना पुष्टि भएकोमा ६ हजार ८९३ जना निको भएका छन् भने ६०८ जना सक्रिय संक्रमित रहेका छन् । ललितपुरमा १२ हजार ५७७ जनामा कोरोना पुष्टि भएकोमा १० हजार ८९७ जना निको भएका छन् । यहाँ १ हजार ५८९ जना सक्रिय संक्रमित छन् ।

कोरोना संक्रमणबाट काठमाडौंमा ३३१, भक्तपुरमा ८७ र ललितपुरमा ९१ जनाको मृत्यु भएको छ । आज देशभर २४ संक्रमितको मृत्यु भएको छ । योसँगै संक्रमणबाट मृत्यु हुनेको संख्या १ हजार ३६१ पुगेको छ । आज १० हजार ८४३ जनाको पीसीआर परीक्षण गर्दा १ हजार ७९० जनालाई कोरोना भाइरस संक्रमण पुष्टि भएको छ । आज थपिएका संक्रमितसँगै नेपालमा कुल संक्रमितको संख्या २ लाख २४ हजार ७८ पुगेको छ ।

त्यस्तै, आज थप २ हजार ७९१ जना डिस्चार्ज भएका छन् । योसँगै डिस्चार्ज हुनेको संख्या २ लाख ४ हजार ८५८ पुगेको स्वास्थ्य मन्त्रालयले जनाएको छ । मन्त्रालयका अनुसार नेपालमा सक्रिय संक्रमितको संख्या १७ हजार ८५९ रहेको छ । तीमध्ये ६ हजार ५१८ जना होम आइसोलेसनमा रहेका छन् ।