विराटनगर, ७ मंसिर–पछिल्लो २४ घण्टाको अवधिमा प्रदेश १ मा ३ सय ११ जना डिस्चार्ज भएका छन् । होमआईसोलेसनबाट २ सय ९४, जिल्ला अस्पताल धनकुटाबाट नौ र विराट मेडिकल कलेजबाट आठ जना डिस्चार्ज भएका हुन । हालसम्म डिस्चार्ज हुनेको संख्या २० हजार ८ सय ९९ पुगेको छ ।

प्रदेश १ मा आइतबार २ सय १४ जना कोरोना संक्रमित थपिएका छन् । मोरङमा ७३, सुनसरीमा ५३, झापामा ५०, संखुवासभा र इलाममा छ÷छ, खोटाङमा तीन , उदयपुरमा दुई, धनकुटा र पाँचथरमा एक÷एक र प्रदेश १ बाहिरका १९ जना रहेको सामाजिक विकास मन्त्रालयले जनाएको छ ।

मोरङको विराटनगरमा ३४, सुन्दरहरैचामा १३, रंगेलीमा छ, पथरीशनिश्श्चरेमा पाँच, सुनबर्षी र मिक्लाजुङमा तीन÷तीन, बुढीगंगा र उर्लाबारीमा दुई÷दुई, लेटाङ, रतुवामाई, कानेपोखरी, बेलबारी र धनपालथानमा एक÷एक, सुनसरीको इटहरीमा ३६, धरानमा छ, बराहक्षेत्रमा चार, भोक्राहानरसिंह, इनरुवा, रामधुनी, देवानगञ्ज र दुहवीमा एक÷एक र स्थानीय तह नखुलेका दुई जनाको रिपोर्ट पोजिटिभ आएको सामाजिक विकास मन्त्रालयले जनाएको छ ।

उता झापाको दमकमा १२, भद्रपुरमा आठ, कमल गाउँपालिकामा सात, शिवसताक्षी र अर्जुनधारामा पाँच÷पाँच, विर्तामोड र मेचीनगरमा चार÷चार, गौरादह र कनकाईमा दुई÷दुई, गौरीगञ्जमा एक, संखुवासभाको खाँदबारीमा पाँच र सभापोखरीमा एक, इलामको इलाम नगरपालिकामा छ, खोटाङको दिक्तेल रुपाकोट मझुवागढी, खोटेहाङ र साकेलमा एक÷एक, उदयपुरको चौदण्डीगढी र उदयपुरगढीमा एक÷एक, धनकुटाको धनकुटा नगरपालिकामा एक, पाँचथरको फिदिममा एक र प्रदेश १ बाहिरका १९ जनामा संक्रमण देखिएको छ । योसँर्गै प्रदेश १ मा कोरोना संक्रमितको संख्या २५ हजार २ सय ९० पुगेको छ ।

प्रदेश १ मा आइतबार ८ सय ७ जनाको पीसीआर परीक्षण गरिएको छ । परीक्षण गरिएका मध्ये ७८ महिला र १ सय ३६ पुरुषका रिपोर्ट पोजिटिभ आएको हो । हालसम्म १ लाख ८३ हजार ४ सय १४ जनाको पीसीआर परीक्षण गरिएको सामाजिक विकास मन्त्रालयले जनाएको छ ।