१६ जुवाडे पक्राउ - News Birat

१६ जुवाडे पक्राउ

न्यूज विराट

विराटनगर, ६ मंसिर–मोरङको रतुवामाई नगरपालिका–८ दाम्राभिट्टाबाट प्रहरीले १६ जना जुवाडेलाई पक्राउ गरेको छ । शुक्रवार राती स्थानीय सागर गड्तौलाको घरमा जुवा तास खेलिरहेको भन्ने बिषेश सूचनाका आधारमा इलाका प्रहरी कार्यालय सिजुवाबाट खटिएको प्रहरी टोलीले उनीहरुलाई पक्राउ गरेको हो ।

पक्राउ पर्नेहरुमा रतुवामाई नगरपालिका–७ का ४७ बर्षीय डिल्लीराम चौलागाई, ३५ बर्षीय मोती पौडेल, ४३ बर्षीय रामनाथ मैनाली, ४१ बर्षीय देवीप्रसाद प्रसार्इँ, ३७ बर्षीय रामनाथ नेपाल, ४५ बर्षीय हेमलाल प्रसाई, ४० बर्षीय नारायण चुडाल, रतुवामाई नगरपालिका–८ का ४४ बर्षीय सन्तबहादुर राई, ३५ बर्षीय सागर गड्तौला, ४५ बर्षीय दिपक ढुङ्गाना, ४५ बर्षीय देवराज घिमिरे, ३८ बर्षीय अशोक भट्टराई, ३९ बर्षीय राजन हस्ता सतार, ४५ बर्षीय गोपी पराजुली, ३६ बर्षीय रविन पोखरेल र बेलबारी नगरपालिका–७ का २२ बर्षीय गणेश श्रेष्ठ रहेका छन् ।

जुवा खेलीरहेको अवस्थामा पक्राउ परेका उनीहरुको साथबाट एक लाख ६९ हजार छ सय ९५ रुपैयाँ नगदसहित कौडा, तास, १६ थान मोबाइल, १९ वटा मोटरसाइकल र दुई वटा कारसमेत प्रहरीले नियन्त्रणमा लिएको इलाका प्रहरी कार्यालय सिजुवाका प्रहरी निरिक्षक विष्णु खड्काले जानकारी दिए । पक्राउ परेका उनीहरुको सम्बन्धमा थप अनुसन्धान भईरहेको इलाका प्रहरी कार्यालय सिजुवाले जनाएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles