नेकपा सचिवालय : ओली र प्रचण्डका पत्रबारे छलफल, ३ मंसिरमा बैठक बस्ने - News Birat

नेकपा सचिवालय : ओली र प्रचण्डका पत्रबारे छलफल, ३ मंसिरमा बैठक बस्ने

न्यूज विराट
काठमाडौं, २८ कात्तिक-सत्तारूढ दल नेकपाको सचिवालय बैठकमा प्रधानमन्त्री एवं पार्टी अध्यक्ष केपी शर्मा ओली र पुष्पकमल दाहाल प्रचण्डले एकअर्कालाई पठाएका पत्रबारे छलफल भएको छ ।

पार्टी प्रवक्ता नारायणकाजी श्रेष्ठले बैठकको आवश्यकत महसुस गर्दै कार्यकारी अध्यक्ष पुष्पकमल दाहालले आग्रह गरेको र बैठक बस्न नसकेको स्थितिमा कार्यकारी अध्यक्ष प्रचण्डसहित पाँच जना सचिवालय सदस्यले ओलीलाई सहमतिमा बैठक बस्न आग्रह गरेको पत्र त्यसको जवाफमा अध्यक्ष ओलीले प्रचण्डलाई लेखेको पत्रका बारेमा छलफल भएको बताए ।

यसका साथै पार्टीमा देखिएको समस्या समाधानका सन्दर्भमा अध्यक्ष प्रचण्डले तयार गरेको प्रस्तावका बारेमा पनि छलफल भएको छ । उनले आजको सचिवालय बैठकमा स्थायी कमिटीको बैठक पछाडि जारी गरिएको अन्तर्पार्टी निर्देशिका सबै सचिवालयका सदस्यहरूलाई अध्ययनका लागि वितरण गरिएको बताए ।

‘स्थायी कमिटीको बैठक पछाडि जारी गरिएको अन्तरपार्टी निर्देशिका सबै सचिवालयका सदस्यहरूलाई अध्ययनका लागि वितरण गरिएको छ’ उनले भने, ‘सबै सामग्रीको अध्ययन गरेपछि मात्रै पार्टीमा गम्भीर र समग्रतामा छलफल गरी पार्टी एताको रक्षा गर्दै पार्टीलाई अझै सदृढ बनाउने र पार्टी र सरकारका सामू रहेको जिम्मेवारी पूरा गर्ने दिशातिर जाने निष्कर्ष निकालेको छ ।’

त्यसैगरी आज बैठकमा पार्टीभित्र उत्पन्न संकट समाधान गर्न कार्यसूची बनाएरअघि बढ्ने निष्कर्ष निकाल्दै त्यसका लागि छलफलअघि बढाउने निर्णय भएको उनले बताए । ‘सचिवालयको बैठकमा पार्टीमा उत्पन्न संकट समस्या र त्यसको समाधानलाई कार्यसूची बनाएर छलफल गर्न निष्कर्ष निकालियो । त्यो कार्यसूचीअन्तर्गत यसअघिको स्थायी कमिटीको निर्णय कार्यान्वयनको सन्दर्भ, कर्णाली, पर्सालगायतकाका घटना क्रम कोभिड १९ रोकथाम उपचार तथा त्यसले पैदा गरेको आर्थिक संकट र यसबीचमा मुख्य कार्यसूची पार्टीमा देखिएको संकट र त्यसको निवारणका लागि अगाडि बढ्ने निर्णय भएको छ,’ उनले भने ।

प्रधानमन्त्रीको सरकारी निवास बालुवाटारमा बसेको सचिवालयको बैठक ४५ मिनेटमै सकिएको थियो । बैठक पुन: पार्टी सचिवालयको बैठक ३ मंसिर १ बजे बस्ने प्रवक्ता श्रेष्ठले बताए ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles