कान्छी श्रीमती ल्याएको चाल पाएपछि बहुविवाह मुद्धा दर्ता - News Birat

कान्छी श्रीमती ल्याएको चाल पाएपछि बहुविवाह मुद्धा दर्ता

न्यूज विराट

विराटनगर, २७ कात्तिक–मोरङको उर्लाबारी नगरपालिका–४ कि तारा गहतराजले पति र उनकी कान्छी श्रीमती विरुद्ध बहुविवाह मुद्धा दर्ता गराएकी छन् । पति दिवस गहतराजले कान्छी श्रीमती ल्याएको चाल पाएपछि आफुमाथि अन्याय भएको भन्दै जेठी श्रीमती ताराले बहुविवाह मुद्धा दर्ता गराएकी हुन् ।

जेठी श्रीमती ताराले पति दिवस र उनकी कान्छी श्रीमती कोपिला बर्देवाविरुद्ध बहुविवाहको मुद्धा दर्ता गराएकी हुन् । बहुविवाहको मुद्धा दर्ता गराएकी ताराका अनुसार ससुरा एवम् दलित अगुवा नेता भीमलाल गहतराजको मृत्यु संस्कारका क्रममा कोपिला बर्देवाले पति दिवसकी कान्छी श्रीमती रहेको दावी गर्दै जबरजस्ती मृत्यु संस्कारमा सहभागि हुन खोजेकि थिइन् ।

मृत्यु संस्कारका क्रममा पति दिवसले आफुमाथि सौता ल्याएको चाल पाएपछि १३ दिने काम सकिएलगत्तै पति दिवस र सौता कोपिलाविरुद्ध बहुविवाह मुद्धा दर्ता गरेको बताइन् । ताराले पति दिवसले आफु हुँदाहुँदै कानुन विपरित कान्छी श्रीमती ल्याएर अन्याय गरेकाले मुद्धा दर्ता गरि कानुनी उपचार खोज्न बाध्य भएको आरोप लगाइन् ।

दिवसकी कान्छी श्रीमती कोपिला बर्देवाले भने आफुलाई कथित तल्लो जात भएकै आधारमा जातीय भेदभाव गर्दै ससुराको मृत्यु संस्कारमा सहभागि नगराइएको आरोप लगाउँदै सिंगो गहराज परिवार विरुद्ध जातीय भेदवा तथा छुवाछुत कसुर अन्तर्गत मुद्धा दर्ता गराएकी थिएन् ।

सोही आरोप आरोपमा इलाका प्रहरी कार्यालय उर्लाबारीले दुई जनालाई पक्राउ गरेको जनाएको छ । इलाका प्रहरी कार्यालय उर्लाबारीका प्रहरी निरिक्षक उद्धव पोखरेलले.जातीय भेदभाव तथा छुवाछुतको आरोपमा एक पुरुष र एक महिलालाई पक्राउ गरि अनुसन्धान प्रकया अघि बढाएको बताए । उनले बहुविवाह र जातीय विभेदका दुवै मुद्धाका सम्वन्धमा अनुसन्धान सुरु गरिएको बताए ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles