प्रदेश १ मा ५ सय वेड थपिँदै - News Birat

प्रदेश १ मा ५ सय वेड थपिँदै

न्यूज विराट

विराटनगर, २५ कात्तिक–प्रदेश १ सरकारले कोरोना संक्रमितको उपचारका लागि ५ वेड थप गर्ने तयारी गरेको छ । प्रदेशभरि अक्सिजन, आईसियु र भेन्टिलेटर सहितका वेड थप गर्ने सरकारले तयारी गरेको सामाजिक विकास मन्त्री जीवन घिमिरेले बताए । कोरोना संक्रमितले अक्सिजन, आईसियु र भेन्टिलेटरको खोजी गर्न थालेको उनले बताए ।

प्रदेशस्तरीय स्वास्थ्य कार्यालयहरुको बार्षिक स्वास्थ्य समीक्षा तथा योजना तर्जुमा गोष्ठि कार्यक्रम मंगलबार मन्त्री घिमिरेले सो कुरा बताएका हुन् । उनले प्रदेश सरकार परिस्थितिको माग अनुसार अघि बढेको भन्दै प्रदेशभर ५ सय बेड विस्तार गर्ने तयारी गरिएको बताए ।

कोरोना संक्रमण एकनास नभएकाले संक्रमणको अवस्था अनुसार योजना बनाउन स्वास्थ्य कार्यालयका प्रमुखहरुलाई उनले निर्देशन दिए । ‘ते¥हथुमको आठराई र विराटनगरमा संक्रमणको अवस्था फरक छ ।’ । मन्त्री घिमिरेले भने,‘अवको चुनौतिलाई सामना गर्न स्थान विशेषका आधारमा कोरोना नियन्त्रणको नीति बनाउन आवस्यक छ ।’

उनले कोरोना संक्रमणको कारण विश्व स्वास्थ्य संगठन र स्वास्थ्य मन्त्रालयले भनेजस्तो भन्दापनि स्थानीय स्तरको अवस्थाबारे पनि खोजि गर्न आवस्यक रहेकोमा जोड दिए । कोरोना संक्रमण नियन्त्रणका लागि सर्वसाधारणले सरकारी प्रोटोकल पालना नगरेको प्रति उनले गुनासो गरे ।

कार्यस्थलमा स्वास्थ्य सावधानी अपनाएको नपाईएको मन्त्री घिमिरेले बताए । समीक्षा कार्यक्रममा मन्त्री घिमिरेले निजी अस्पतालको स्वीकृति र नियमनमा स्वास्थ्य कार्यालय प्रमुखहरुले ध्यान दिनुपर्ने बताए । स्वीकृति दिँदा मापदण्ड अनुसार भए÷ नभएको हेर्ने र अनुगमनको काम स्वास्थ्य कार्यालयले गर्नुपर्ने बताए ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles