प्रदेश १ मा आज ९ सयको परिक्षण गर्दा २१९ जनामा कोरोना पुष्टि, ६०० जना डिस्चार्ज - News Birat

प्रदेश १ मा आज ९ सयको परिक्षण गर्दा २१९ जनामा कोरोना पुष्टि, ६०० जना डिस्चार्ज

न्यूज विराट

विराटनगर, २३ कात्तिक–प्रदेश १ मा पछिल्लो २४ घण्टामा २ सय १९ जना कोरोना संक्रमित थपिएका छन् । मोरङमा १ सय ३, सुनसरीमा ४८, झापामा ३३, तेहथुममा आठ, उदयपुरमा छ, इलाम र संखुवासभामा दुई÷दुई, पाँचथर, भोजपुर र खोटाङमा एक÷एक र प्रदेश १ बाहिरका १४ जनामा संक्रमण देखिएको सामाजिक विकास मन्त्रालयले जनाएको छ ।

मन्त्रालयका अनुसार मोरङको विराटनगरमा ४८, सुन्दरहरैचामा १५, पथरीशनिश्चरेमा आठ, रतुवामाईमा सात, रंगेलीमा छ, उर्लाबारी र कानेपोखरीमा चार÷चार, जहदा, बुढीगंगा र बेलबारीमा तीन÷तीन, ग्रामथानमा एक र स्थानीय तह नखुलेका १ जनाको रिपोर्ट पोजिटिभ आएको हो ।

सुनसरीको इटहरीमा ३३, इनरुवामा चार, रामधुनीमा तीन, देवानगञ्ज, धरान र कोशी गाउँपालिकामा दुई÷दुई, दुहवी र गढीमा एक÷एक, झापाको गौरादह र कमल गाउँपालिकामा १२÷१२, दमकमा चार, गौरीगञ्ज, कचनकवल, अर्जुनधारा , मेचीनगर र स्थानीय तह नखुलेका एक÷एक जनाको रिपोर्ट पोजिटिभ आएको मन्त्रालयले जनाएको छ ।

उता तेह्रथुमको म्याङलुङमा आठ, उदयपुरको चौदण्डीगढीमा तीन, त्रियुगामा दुई र बेलकामा एक, इलामको इलाम नगरपालिका र फाकफोकथुममा एक÷एक, संखुवासभाको पाँचखपन र खाँदबारीमा एक÷एक, पाँचथरको मिक्लाजुङ, भोजपुरको षडानन्द, खोटाङको खोटेहाङमा एक÷एक र प्रदेश १ बाहिरका १४ जनामा संक्रमण देखिएको मन्त्रालयले जनाएको छ । योसँगै प्रदेश १ मा कोरोना संक्रमितको संख्या २१ हजार ८ सय ८४ पुगेको छ ।

प्रदेश १ मा आइतबार ६ सय जना डिस्चार्ज भएका छन् । होमआईसोलेसनबाट ५ सय ९५ र कोशी अस्पताल कोभिड १९ उपचार केन्द्रबाट पाँच जना डिस्चार्ज भएका हुन । हालसम्म डिस्चार्ज हुनेको संख्या १४ हजार १ सय ७३ पुगेको छ ।

प्रदेश १ मा आइतबार ९ सय ७६ जनाको पीसीआर परीक्षण गरिएकोछ । परीक्षण गरिएका मध्ये ७५ महिला र १ सय ४४ पुरुषको रिपोर्ट पोजिटिभ आएको हो । हालसम्म १ लाख ७० हजार ९ सय ५१ जनाको पीसीआर परीक्षण गरिएको सामाजिक विकास मन्त्रालयले जनाएको छ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles