पछिल्लो २४ घण्टामा प्रदेश १ मा ३१५ संक्रमित थपिए, ३५० डिस्चार्ज - News Birat

पछिल्लो २४ घण्टामा प्रदेश १ मा ३१५ संक्रमित थपिए, ३५० डिस्चार्ज

न्यूज विराट

विराटनगर, २१ कात्तिक–प्रदेश १ मा ३१५ जना कोरोना संक्रमित थपिएका छन् । मोरङमा १ सय २३, सुनसरीमा ८९, झापामा ७६, तेह्रथुममा छ, इलाम, धनकुटा र भोजपुरमा तीन÷तीन, उदयपुरमा दुई, ताप्लेजुङ, ओखलढुङ्गा र संखुवासभामा एक÷एक र प्रदेश १ बाहिरका ७ जना रहेको सामाजिक विकास मन्त्रालयले जनाएको छ ।

मोरङको विराटनगरमा ८९, उर्लाबारीमा आठ, सुन्दरहरैचामा छ, लेटाङमा चार, बेलबारी र पथरीशनिश्चरेमा तीन÷तीन, रंगेलीमा दुई, धनपालथान, ग्रामथान, सुनबर्षी, कटहरी, रतुवामाई र केराबारीमा एक÷एक र स्थानीय तह नखुलेका दुई जनाको रिपोर्ट पोजिटिभ आएको छ ।
सुनसरीको धरानमा ४९, इटहरीमा २१, इनरुवामा सात, रामधुनी, देवानगञ्ज, बराहक्षेत्र र कोशी गाउँपालिकामा दुई÷दुई, भोक्राहानरसिंह, दुहवी, हरिनगरा र स्थानीय तह नखुलेका एक÷एक जनाको रिपोर्ट पोजिटिभ आएको मन्त्रालयले जनाएको छ ।

उता झापाको दमकमा २८, विर्तामोडमा २१, भद्रपुरमा नौ, शिवसताक्षी, अर्जुनधारा र मेचीनगरमा तीन÷तीन, कनकाई, हल्दिबारी र झापा गाउँपालिकामा दुई÷दुई, गौरादह, कमल गाँउपालिका र स्थानीय तह नखुलेका एक÷एक, तेह्रथुमको लाली गुराँसमा चार, म्याङलुङ र छथरमा एक÷एक, इलामको इलाम नगरपालिकामा दुई र सुर्योदयमा एक, धनकुटाको पाख्रीबासमा एक र स्थानीय तह नखुलेका दुई, भोजपुरमा तीन, उदयपुरको बेलका र त्रियुगामा एक÷एक, ताप्लेजुङको फुङलिङ, ओखलढुङ्गाको मानेभन्ज्याङ, संखुवासभाको खाँदबारीमा एक÷एक र प्रदेश १ बाहिरका ७ जनामा संक्रमण देखिएको मन्त्रालयले जनाएको छ । प्रदेश १ मा कोरोना संक्रमितको संख्या २१ हजार एक सय १७ पुगेको छ ।

प्रदेश १ मा शुक्रबार ३ सय ५० जना डिस्चार्ज भएका छन् । होमआईसोलेसनबाट ३ सय ४३, विराट मेडिकल कलेजबाट तीन, वीपी कोइराला स्वास्थ्य विज्ञान प्रतिष्ठान धरानबाट दुई, न्युरो अस्पताल र जिल्ला अस्पताल धनकुटाबाट एक÷एक जना डिस्चार्ज भएका हुन । हालसम्म डिस्चार्ज हुनेको संख्या १३ हजार ४६ पुगेको छ ।

प्रदेश १ मा शुक्रबार १ हजार १ सय ९७ जनाको पीसीआर परीक्षण गरिएको छ । परीक्षण गरिएका मध्ये १ सय ३८ महिला र १ सय ७७ पुरुषको रिपोर्ट पोजिटिभ आएको हो । हालसम्म १ लाख ६७ हजार ३ सयको पीसीआर परीक्षण गरीएको मन्त्रालयले जनाएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles