प्रदेश १ मा ८०३ को परिक्षण गर्दा २२२ जनामा कोरोना पुष्टि - News Birat

प्रदेश १ मा ८०३ को परिक्षण गर्दा २२२ जनामा कोरोना पुष्टि

न्यूज विराट

विराटनगर, १५ कात्तिक–प्रदेश १ मा पछिल्लो २४ घण्टामा दुई सय २२ जना कोरोना संक्रमित थपिएका छन् । मोरङमा एक सय २६, सुनसरीमा ५८, झापामा २९, इलाममा तीन, धनकुटामा एक र प्रदेश १ बाहिरका पाँच जना रहेको सामाजिक विकास मन्त्रालयले जनाएको छ ।

मन्त्रालयका अनुसार विराटनगरमा एक सय ५ जनामा संक्रमण देखिएको छ । संक्रमण पुष्टि भएकामा ५५ महिला र ५० पुरुष रहेका छन् । मोरङको बुढीगंगामा पाँच, पथरीशनिश्चरेमा चार, सुन्दरहरैचामा तीन, सुनबर्षी, लेटाङ र जहदामा दुई÷दुई, केराबारी, रंगेली र बेलबारीमा एक÷एक जनाको रिपोर्ट पोजिटिभ आएको छ ।

उता सुनसरीको धरानमा ३३, इटहरीमा १२, इनरुवामा सात, बराहक्षेत्रमा तीन, बर्जु, गढी र दुहवीमा एक÷एकब जना, झापाको दमक र विर्तामोडमा छ÷छ, कनकाईमा पाँच, मेचीनगरमा चार, बुद्धशान्ति र भद्रपुरमा दुई÷दुई, हल्दीबारी र शिवसताक्षीमा एक÷एक र स्थानीय तह नखुलेका दुई जनामा संक्रमण देखिएको सामाजिक विकास मन्त्रालयले जनाएको छ ।

इलामको इलाम, माई र चुलाचुलीमा एक÷एक, धनकुटामा एक र प्रदेश १ बाहिरका पाँच जनाको रिपोर्ट पोजिटिभ आएको छ । योसँगै प्रदेश १ मा कोरोना संक्रमितको संख्या १९ हजार एक सउ ७५ पुगेको छ ।

प्रदेश १ शनिबार ३२ जना डिस्चार्ज भएका छन् । होटल एशियाटिक आईसोलेसनबाट १४, विराट मेडिकल कलेजबाट नौ, न्युरो अस्पतालबाट पाँच, मेची अस्पतालबाट तीन र कोभिड १९ आईसोलेसन केन्द्र रंगेलीबाट एक जना डिस्चार्ज भएका हुन । हालसम्म प्रदेश १ मा डिस्चार्ज हुनेको संख्या १० हजार आठ सय ५० पुगेको छ ।

प्रदेश १ मा शनिबार आठ सयतीन जनाको पीसीआर परीक्षण गरिएको छ । परीक्षण गरिएका मध्ये एक सय पाँच महिला र एक सय १७ पुरुषको रिपोर्ट पोजिटिभ आएको हो । प्रदेश १ मा हालसम्म एक लाख ५९ हजार सात सय ५१ जनाको पीसीआर परीक्षण गरिएको मन्त्रालयले जनाएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles