विराटनगर महानगरको पहलमा म्याक्स हस्पिटलमा ५० शैय्याको कोभिड अस्पताल सञ्चालनमा - News Birat

विराटनगर महानगरको पहलमा म्याक्स हस्पिटलमा ५० शैय्याको कोभिड अस्पताल सञ्चालनमा

न्यूज विराट

विराटनगर, ४ कात्तिक–विराटनगरस्थित म्याक्स इन्टरनेशनल हस्पिटल एवं ट्रमा सेन्टर विराटनगर–१५ महेन्द्र चौकमा आजदेखि ५० शैय्याको कोभिड अस्पताल सञ्चालनमा ल्याएको छ । विराटनगर माहानगरपालिकाका प्रमुख भीम पराजुली तथा सेन्टरका प्रवन्धक निर्देशक हेमनारायण मेहता वीच आज एक सहमती कायम भई अस्पताल सञ्चालन शुरु गरिएको छ।

सेन्टरले आफ्ना अन्य सेवा स्थगित गरी पाँच भेन्टिलेर तथा १२ शैयाको(सघन उपचार कक्ष (आईसियु) र अक्सिजन सहित ५० शैय्याको कोभिड अस्पताल शुरु गरेको हो । सेन्टरले १२÷१२ घण्टाको पालोमा चार चिकित्सक सहित ३८ जना स्वास्थ्यकर्मी कोभिडका सङक्रमित विरामीका उपचारका लागि सेवा प्रवाह गर्ने निर्देशक मेहताले बताए ।

महानगरपालिकाको तीन थान एम्वुलेन्स र सेन्टरको अक्सिजन सहित एक थान एम्वेलेन्सले कोभिड संक्रमित विरामीलाई आवश्यक सेवा प्रदान गर्ने भएको छ । सेन्टरको निरीक्षण पछि महानगरपालिकाका प्रमुख पराजुलीले नागरिकको स्वास्थ्य प्रमुख दायित्व भएकाले संक्रमितको उपचारका लागि कुनै कमि हुन नदिन आवश्यक पर्ने सहयोग महानगरपालिकाले उपलव्ध गराउने बताए ।

उहाँले निजी क्षेत्रको सहयोगमा महानगरले न्यूरो अस्पतालमा १५० शैय्या लगायत अन्य एक स्थानमा अस्क्सिजन सहितको १०० शैय्याको कोभिड आइशोलन सञ्चालनमा ल्याउन लागि रहेकोसमेत जानकारी दिए । महानगरपालिको कोरोना संक्र्रमणबाट मृत्यु भएकाहरुको शव व्यवस्थान गर्नुका साथै विराटनगर–१९,बैजनाथपुर, मारवाडी सेवा सेदन, जैन भवन, काली सेवा सदन लगायतमा आइशोलसन सञ्चालन गर्दै आइरहेको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles