मोरङमा २६५ सहित प्रदेश १ मा ४७४ कोरोना संक्रमित थपिए - News Birat

मोरङमा २६५ सहित प्रदेश १ मा ४७४ कोरोना संक्रमित थपिए

न्यूज विराट

विराटनगर २ कात्तिक–प्रदेश १ मा पछिल्लो २४ घण्टामा चार सय ७४ जना कोरोना संक्रमित थपिए छन् । मोरङमा दुई सय ६५, सुनसरीमा ९३, झापामा ५६, उदयपुरमा २९, इलाममा सात, संखुवासभामा पाँच, भोजपुरमा दुई, धनकुटा, तेह्रथुम, पाँचथर र ओखलढुङ्गामा एक÷एक र प्रदेश १ बाहिरका १३ जना संक्रमित थपिएको सामाजिक विकास मनत्रालयले जनाएको छ ।

मन्त्रालयका अनुसार विराटनगरमा एक सय ५४ जनामा संक्रमण देखिएको छ । संक्रमण पुष्टि भएकामा ५० महिला र एक सय ४ पुरुष छन् । मोरङको सुन्दरहरैचामा २८, बेलबारीमा १९, कटहरी र पथरीशनिश्चरेमा १२–१२, बुढीगंगामा १०, रतुवामाईमा सात, ग्रामथानमा छ, कानेपोखरीमा पाँच, लेटाङमा चार, धनपालथानमा दुई, उर्लाबारी, जहदा, मिक्लाजुङ र रंगेलीमा एक÷एक र स्थानीय तह नखुलेका २ जनाको रिपोर्ट पोजेटिभ आएको छ । सुनसरीको इटहरीमा ५७, इनरुवामा नौ, रामधुनीमा सात, दुहवीमा पाँच, धरानमा चार, बर्जु र गढीमा दुई÷दुई, हरिनगर, बराहक्षेत्र, भोक्राहा नरसिंह र कोशी गाउँपालिकामा एक÷एक र स्थानीय तह नखुलेका तीन जनाको रिपोर्ट पोजेटिभ आएको विकास मनत्रालयले जनाएको छ ।

उता झापाको भद्रपुरमा १५, दमकमा १३, विर्तामोडमा १२, मेचीनगरमा नौ, गौरादह र अर्जुनधारामा दुई÷दुई, कमल, झापा गाउँपालिका र बाह्रदशीमा एक÷एक, उदयपुरको कटारी र त्रियुगामा १३÷१३, उदयपुरगढी, बेलका र चौदण्डीगढीमा एक÷एक, इलामको इलाममा चार, फाकफोकथुम, माईजोगमाई र सुर्योदयमा एक÷एक, संखुवासभाको चैनपुर र मकालु दुई÷द्ई, खाँदबारीमा एक, भोजपुरको अरुण र भोजपुरमा एक÷एक, धनकुटाको छथरमा एक, तेह्रथुमको लाली गुराँसमा एक, पाँचथरको फिदिममा एक र ओखलढुङ्गाको मानेभन्ज्याङमा एक१ र प्रदेश १ बाहिरका १३ जनामा संक्रमण देखिएको मन्त्रालयले जनाएको छ । योसँगै प्रदेश १ मा कोरोना संक्रमित हुनेको संख्या १३ हजार छ सय ५६ पुगेको छ ।

प्रदेश १ मा आइतबार १५ जना डिस्चार्ज भएका छन् । कोशी अस्पताल कोभिड १९ उपचार केन्द्रबाट सात, मेची अस्पतालबाट सात र होम आईसोलेसनबाट एक जना डिस्चार्ज भएका छन् । हालसम्म डिस्चार्ज हुनेको संख्या पाँच हजार पाँच सय ७५ पुगेको छ ।

प्रदेश १ मा आइतबार एक हजार चार सय ६८ जनाको पीसीआर परीक्षण गरिएको छ । परीक्षण गरिएका मध्ये एक सय ४९ महिला र तीन सय २५ पुरुषको रिपोर्ट पोजेटिभ आएको छ । हालसम्म १ लाख ४६ हजार ८५० जनाको पीसीआर परीक्षण गरिएको सामाजिक विकास मन्त्रालयले जनाएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles