विराटनगर, १ कात्तिक–कोरोना संक्रमणबाट प्रदेश १ मा पछिल्लो २४ घण्टामा थप ५ जनाको मृत्यु भएको छ । झापामा तीन, मोरङ र सुनसरीमा एक÷एक जनाको मृत्यु भएको हो । योसँगै प्रदेश १ मा मृत्यु हुनेको संख्या एक सय २९ पुगेको छ । जसमध्ये १६ जना प्रदेश १ बाहिरका हुन् ।
प्रदेश १ मा थप चार सय ८१ जनामा कोरोना संक्रमण देखिएको छ । मोरङमा एक सय ९५, सुनसरीमा १एक सय ७०, झापामा ७२, संखुवासभामा १५, इलाममा नौ, खोटाङमा चार, भोजपुरमा एक र प्रदेश १ बाहिरका १५ जना रहेको सामाजिक विकास मन्त्रालयले जनाएको छ ।
मन्त्रालयका अनुसार विराटनगरमा एक सय २४ जनामा संक्रमण देखिएको छ । संक्रमण पुष्टि भएकामा ५६ महिला र ६८ पुरुष रहेका छन् । मोरङको सुन्दरहरैचा, उर्लाबारी र बुढीगंगामा १३÷१३, बेलबारी र जहदामा नौ÷नौ, लेटाङमा आठ, रतुवामाई, धनपालथान र पथरीशनिश्चरेमा एक÷एक र स्थानीय तह नखुलेका तीन जनाको रिपोर्ट पोजिटिभ आएको छ ।
सुनसरीको धरानमा एक सय नौ, इनरुवामा २९, इटहरीमा १५, रामधुनीमा नौ, देवानगञ्ज र दुहवीमा दुई÷दुई, बराहक्षेत्र र गढीमा एक÷एक र स्थानीय तह नखुलेका दुई जनाको रिपोर्ट पोजिटिभ आएको सामाजिक विकास मन्त्रालयले जनाएको छ ।
उता झापाको विर्तामोडमा २३, दमकमा १३, भद्रपुर र कनकाईमा सात÷सात, मेचीनगरमा छ, कमल गाउँपालिकमा चार, अर्जुनधारामा तीन, शिवसताक्षीमा दुई, गौरादह र हल्दिबारीमा एक÷एक र स्थानीय तह नखुलेका पाँच, संखुवासभाको मकालुमा आठ, खाँदबारीमा तीन, चैनपुरमा दुई, सभापोखरी र स्थानीय तह नखुलेका एक÷एक जनाको रिपोर्ट पोजिटिभ आएको छ ।
इलामको इलाममा छ, चुलाचुलीमा तीन, खोटाङको खोटेहाङ र साकेलामा एक÷एक र स्थानीय तह नखुलेका दुई, भोजपुरको षडानन्दमा एक जनाको रिपोर्ट पोजिटिभ आएको छ । योसँगै प्रदेश १ मा कोरोना संक्रमितको संख्या १३ हजार एक सय ८३ पुगेको छ ।
प्रदेश १ मा शनिबार एक हजार चार सय ५० जनाको पीसीआर परीक्षण गरिएको छ । परीक्षण गरिएका मध्ये एक सय ९९ महिला र दुई सय ८२ पुरुषको रिपोर्ट पोजिटिभ आएको छ । प्रदेश १ मा हालसम्म एक लाख ४५ हजार तीन सुय ८३ जनाको पीसीआर परीक्षण गरिएको मन्त्रालयले जनाएको छ ।
