प्रदेश १ मा साढे १४ सयको परिक्षण गर्दा चार सय ६८ मा कोरोना पुष्टि, दुई सय २१ डिस्चार्ज - News Birat

प्रदेश १ मा साढे १४ सयको परिक्षण गर्दा चार सय ६८ मा कोरोना पुष्टि, दुई सय २१ डिस्चार्ज

न्यूज विराट

विराटनगर, ३० असोज–प्रदेश १ मा पछिल्लो २४ घण्टामा चार सय ६८ कोरोना संक्रमित थपिएका छन् । मोरङमा दुई सय ७, सुनसरीमा दुई सय, झापामा २९, तेह्रथुममा सात, उदयपुरमा चार, इलाममा तीन, धनकुटा र संखुवासभामा दुई÷दुई, भोजपुर र ताप्लेजुङमा एक÷एक र प्रदेश १ बाहिरका १२ जना रहेको सामाजिक विकास मन्त्रालयले जनाएको छ ।

मन्त्रालयका अनुसार विराटनगरमा एक सय ३४ जनामा संक्रमण देखिएको छ । संक्रमण देखिएकामा ४९ महिला र ८५ पुरुष रहेका छन् । मोरंगको सुन्दरहरैचामा १३, उर्लाबारीमा १२, बेलबारीमा ११, पथरीशनिश्चरेमा सात, ग्रामथानमा पाँच, केराबारीमा तीन, बुढीगंगा, लेटाङ, कानेपोखरी र धनपालथानमा दुई÷दुई, कटहरी, रंगेली र रतुवामाईमा एक÷एक र स्थानीय तह नखुलेका ११ जनाको रिपोर्ट पोजेटिभ आएको छ।

सुनसरीको धरानमा एक सय ८, इटहरीमा ६५, दुहवीमा छ, बराहक्षेत्रमा पाँच, बर्जु र रामधुनीमा तीन÷तीन, गढी र इनरुवामा दुई÷दुई, देवानगञ्ज र कोशी गाउँपालिकामा एक÷एक र स्थानीय तह नखुलेका चार जनामा संक्रमण देखिएको सामाजिक विकास मन्त्रालयले जनाएको छ ।

उता झापाको विर्तामोडमा आठ, भद्रपुरमा छ, दमकमा चार, अर्जुनधारामा तीन, बुद्धशान्ति र गौरादहमा दुई÷दुई, शिवसताक्षी, कनकाई, कमल गाउँपालिका र स्थानीय तह नखुलेका एक÷एक, तेह्रथुमको म्याङलुङमा दुई, लालीगुराँसमा एक, स्थानीय तह नखुलेका ४, उदयपुरको त्रियुगामा तीन र बेलकामा एक, इलामको माई, देउमाई र स्थानीय तह नखुलेका एक÷एक, धनकुटामा दुई, संखुवासभाको खाँदबारी र सभापोखरीमा एक÷एक, भोजपुरको षडानन्दमा एक, ताप्लेजुङको आठराई त्रिवेणीमा एक र प्रदेश १ बाहिरका १२ जनाको रिपोर्ट पोजेटिभ आएको मन्त्रालयले जनाएको छ ।

प्रदेश १ मा कोरोना संक्रमितको संख्या १२ हजार सात सय दुई पुगेको छ । प्रदेश १ मा शुक्रबार दुई सय २१ जना डिस्चार्ज भएका छन् । होमआईसोलेसनबाट दुई सय नौ र न्युरो अस्पतालबाट १२ जना डिस्चार्ज भएका हुन । हालसम्म डिस्चार्ज हुनेको संख्या पाँच हजार पाँच सय ६१ पुगेको छ ।

प्रदेश १ मा शुक्रबार एक हजार चार सय ४५ जनाको पीसीआर परीक्षण गरिएको छ । परीक्षण गरिएका मध्ये एक सय ६४ महिला र तीन सय ४ पुरुषको रिपोर्ट पोजेटिभ आएको हो । हालसम्म १ लाख ४३ हजार ९३३ जनाको पीसीआर परीक्षण गरिएको सामाजिक विकास मन्त्रालयले जनाएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles