विराटनगर, २६ असोज–प्रदेश १ मा पछिल्लो २४ घण्टामा चार सय ५२ जना कोरोना संक्रमित थपिएका छन् । मोरङमा दुई सय ४२, सुनसरीमा १८४, झापामा ८, इलाममा २, धनकुटा, खोटाङ, उदयपुर र भोजपुरमा एक÷एक र प्रदेश १ बाहिरका जिल्लाका १२ जना रहेको सामाजिक विकास मन्त्रालयले जनाएको छ ।

मन्त्रालयका अनुसार विराटनगरमा एक सय ९० जनामा संक्रमण देखिएको छ । संक्रमण पुष्टि भएकामा ८९ महिला र एक सय १ पुरुष छन् । मोरङको बेलबारीमा १६, बुढीगंगामा ११, सुन्दहरैचामा चार, रतुवामाई र धनपालथानमा तीन÷तीन मिक्लाजुङ र कटहरीमा दुई÷दुई , सुनबर्षी, ग्रामथान र जहदामा एक÷एक र स्थानीय तह नखुलेका ८ जनामा संक्रमण देखिएको छ ।

उता सुनसरीको धरानमा ८६, इटहरीमा ६८, बराहक्षेत्रमा १८, दुहवीमा तीन,m इनरुवा र गढीमा दुई÷दुई कोशी गाउँपालिकामा एक र स्थानीय तह नखुलेका तीन, झापाको दमक र भद्रपुरमा तीन÷तीन, अर्जुनधारा र स्थानीय तह नखुलेका एक÷एक, इलामको फाकफोकथुम र स्थानीय तह नखुलेका एक÷एक, खोटाङको साकेलामा एक, उदयपुरको चौदण्डीगढीमा एक, धनकुटामा एक, भोजपुरमा एक र प्रदेश १ बाहिरका १२ जना रहेको मन्त्रालयले जनाएको छ । योसँगै प्रदेश १ मा कुला कोरोना संक्रमितको संख्या १० हजार सात सय ५१ पुगेको छ ।

प्रदेश १ मा आज ४४ जना डिस्चार्ज भएका छन् । होमआईसोलेसनबाट ४०, विराट मेडिकल कलेजबाट दुई र कोशी अस्पताल कोभिड १९ उपचार केन्द्रबाट दुई जना डिस्चार्ज भएका हुन् । हालसम्म डिस्चार्ज हुनेको संख्या चार हजार आठ सय ५५ पुगेको छ । प्रदेश १ मा सोमबार एक हजार एक सय ७६ जनाको पीसीआर परीक्षण गरिएको छ ।

परीक्षण गरिएका मध्ये एक सय ८८ महिला र दुई सय ६४ पुरुषको रिपोर्ट पोजिटिभ आएको छ । हालसम्म १ लाख ३८ हजार छ सय ९२ जनाको पीसीआर परीक्षण गरिएको मन्त्रालयले जनाएको छ । मन्त्रालयका अनुसार प्रदेश १ मा एक सय ५ जनाको मृत्यु भइसकेको छ । जसमध्ये १५ जना प्रदेश १ बाहिरका रहेका छन् ।